Ямандаги болакайларни ким қутқаради? HD

Ямандаги болакайларни ким қутқаради? Яманда очлик: 5 миллион ёш боланинг ҳаёти хавф остида Яманда 3 йилдан кўпроқ вақтдан буён давом этиб келаётган фуқаролик урушидан асосан тинч аҳоли, хусусан ёш болалар зарар кўрмоқда. Save the Children (болаларни асранг) халқаро ёрдам ташкилоти Яманда 5.2 миллион ёш болага очлик раҳна солаётганини маълум қилди. Мазкур ташкилот Ямандаги урушнинг болаларга қандай зарарлар етказгани ҳақида ҳужжат нашр қилди. Ҳужжатга кўра мамлакатда содир бўлаётган фуқаролик уруши ва пировардида озиқ-овқатларнинг қимматлашиши, ҳамда Яман миллий валютасининг қадрсизланиши жиддий қаҳадчиликка сабаб бўлди. Тўқнашувлар содир бўлаётган Ҳудайда портига етиб борган инсонпарварлик ёрдамлари фуқароларга етиб бормаётгани сабабли қаҳадчилик бундан ҳам ёмон ҳолатгларга олиб келиши мумкинлиги айтилмоқда. Давлат идораларида ишлаётган фуқароларга сўнгги 2 йилда мунтазам ойлик берилмаган. Устига-устак озиқ-овқат нархлари 68% қимматлади. Егулик нарса топа олмаётган оилаларнинг сони тобора ортиб бормоқда. Мамлакатда 5.2 миллион ёш болани очлик хавфи қўрқитмоқда. Save the Children ташкилоти масъулларидан Хелле Торнинг-Шмиднинг атишича миллионлаб ёш болалар кейинги овқатларини қачон ейишларини билмай яшашмоқда. Торнинг-Шмид ўзи зиёрат қилган Яманнинг шимолидаги бир шифоханадаги чақалоқларнинг очликдан ҳатто йиғлашга мадори йўқлигига гувоҳ бўлганини айтди. У сўзининг давомида: “бу уруш сабабли очлик, юқумли касалликлар ва яна кўплаб хавфга дучор бўлган Ямандаги ёш авлод бутунлай йўқ бўлиб кетиши мумкин” деди. Яқин шарқнинг бошқа давлатлари каби Яман ҳам кофир Америка ва Англиянинг манфаат талашадиган майдонига айланиб қолди. Бу икки катта кофир давлатнинг манфаат урушини деб тинч аҳоли, хабарда зикр қилинганидай хусусан ёш болалар жиддий зарар кўрмоқда. Алам қиладиган томони шундаки бу қаҳадчиликка сабаб бўлаётган тўқнашувнинг қурбонлари яна мусулмонлардир. АҚШ манфаатларини ҳимоя қилиш учун ўз биродарлари бўлган мусулмонларни аёлу – эркак, ёшу – қари демасдан бомбардимон қилаётган, Яман халқини шундай қашшоқ даражага тушишлигига асл сабабчиси ҳам Саудия Арабистони ҳокимларидир. Энди атрофда кўплаб иқтисоди ривожланган араб давлатлари бўла туриб Ямандаги мусулмонларнинг, хусусан ёш болаларнинг барг еб ҳаётда қолишга уринишлари жуда ачинарли ҳолат. Яманга қўшни бўлган Саудияда ҳали ўтганига 1 ой бўлмаган ҳаж мавсумида миллионлаб қурбонлик кесилди. Бироқ Ямандаги болакайлар ҳаётда қолиш учун барг еяпти. Қатар амири Эрдўғанга ҳадия қилган VIP учоғининг баҳоси 500 миллион доллар экани айтилган эди. Бироқ Ямандаги болакайлар ҳаётда қолиш учун барг еяпти. Араб шайхлари Неймарга (футболчи) 220 миллион доллар тўлаяпти, 100 миллионлаб долларларга футбол клублари сотиб оляпти. Европа футболини оёқда тутиш учун катта араб ширкатлари миллионлаб - ҳомийлик шартномаси асосида – ёрдам кўрсатяпти. Бироқ Ямандаги болакайлар ҳаётда қолиш учун барг еяпти. Бирлашган Араб Амирлиги шахзодаларидан бирининг тўйига 44 кг оғирликда тилло ва ёқутдан бўлган келин кўйлак ти