Savol-javoblar || 24.06.2020 || Shayx Sodiq Samarqandiy HD

Bu darsimizda berilgan savollar quyidagilardir: 01:12 1. Chet elda logistika bilan shug‘ullanamiz. Kompaniyamizga doimo haydovchilarni ishga qabul qilamiz, ko‘p hollarda yangi guvohnoma olganlar keladi. Ular hali bu ishda hech nimani bilmaydi. Ularga vaqt sarflab bu ishni o‘rgatamiz, lekin qo‘lidan ish kelib, endi bizga foyda beradigan paytda boshqa yaxshiroq to‘laydigan kompaniyaga ketib qolishadi. Holbuki, yangiligida o‘sha kompaniyalar ularni ishga olmaydi. Savolim shuki, shu o‘rgatib tayyorlagan haydovchilarni ushlab qolish uchun ularga bir yuk mashinasini bir narxga kelishib, bo‘lib to‘lash sharti bilan uzoq muddatga sotib, evaziga shu mashinani pulini uzib bo‘lgunga qadar mendan chiqib ketmaysan, deb shart qo‘ysa ribo bo‘lib qolmaydimi? Mashinani olgandan keyin to pulini to‘lab bo‘lmaguncha kompaniyada ishlaydi, kompaniyada topgan puli hamma qatori haydovchining o‘ziniki bo‘ladi. Faqat chiqib ketmaslik sharti ribo bo‘lib qolmaydimi? 04:24 2. Ish joyimda ayollar va erkaklar aralash birga ishlaymiz. U yerda menga mahram ayol yo‘q. Lekin ko‘pchiligi tutingan opamdek bo‘lib ketishgan. Ularning deyarli hammasi ochiq-sochiq kiyinadigan ayollar. Beixtiyor avratlarga ko‘z tushib qoladi. Lekin yomon xayollarga bormasdan, bilmay shunday holat yuz berganiga tavba qilib, ular bilan faqat ish yuzasidan aloqa qilib ishlashim joizmi? 06:23 3. Biz ishlab chiqaruvchi syexlardan mahsulot olib, marketing orqali kliyent topib, ularni sotish bilan shug‘ullanamiz. Aksar mijozlarimiz bizni ishlab chiqaruvchi deb o‘ylaydi. So‘ragan mijozlarga «Biz ishlab chiqaruvchi emasmiz» deb aytamiz. Lekin syexning egasi asosiy savdoni sizlar qilyapsizlar, syex bizniki deb aytaveringlar, deydi. Bilmagan mijozlarimiz bizni ishlab chiqaruvchi sifatida tanib savdo qilishi bizga joiz bo‘ladimi? Maslahat bering, iltimos, mening shu ishdan ko‘nglim to‘lmayapdi. 08:02 4. Ustoz, «Qiyomat alomatlari» darslaringizda Dajjol chiqish vaqtida insonlarda bilimsizlik, fasod, fitnalar, ixtiloflar va kambag‘allik bo‘ladi, dedingiz. Ayni zamonda bilimsizlik va ixtiloflar ko‘payib ketdi. Lekin kambag‘allikni qaysi jihatdan tushunamiz? Shu borada ma’lumot bersangiz. 11:54 5. Mening ikki ayolim bor. Ikkalasidan ham bittadan o‘g‘lim bor. Ayollarimdan birida o‘gay qizim ham bor. Shu qizim boshqa ayolimdan bo‘lgan o‘g‘limga nomahram bo‘lmasligi uchun uni emizib qo‘ysa bo‘ladimi? 13:57 6. Men Turkiyada frinda (non syexida) ishlayman. Meni bir savol qiynaydi: xamirni kesganimizda bir xil grammda kesilmaydi. Apparat har xil kesadi, ba’zan grammi ko‘payib, ba’zan kamayib turadi. Nonlar bir xil vaznda chiqmaydi. Shu ishda ishlasam bo‘ladimi yoki tarozidan urib qolganlardan bo‘lamanmi? 17:15 7. Muzoraba savdosida ishlovchi «O‘rtaga qo‘yilgan pulning yarmi menga qarz, foyda ham, zarar ham teng bo‘ladi», deb kelishib ish qilsa bo‘ladimi? Chunki hozirgi kunda to‘g‘ridan-to‘g‘ri muzoraba shartlariga rozi bo‘lib pul beradiganlar juda ham kam. Shunday hollarda qanday yo‘l tutsak shariatga muvofiq bo‘ladi