Рақобати Комроншох,Темур, Саидҷалол ва Маҷидовҳо дар рӯзи аввали "Ҷоми пойтахт - 2021" оид ба гӯштин HD

Имрӯз, 20-уми март дар Муассисаи давлатии «Наврӯзгоҳ»-и Душанбе мусобиқаи ҷумҳуриявии гӯштини миллӣ («Гӯштингирӣ») бахшида ба Иди байналмилалии Наврӯз барои дарёфти Ҷоми «Пойтахт-2021» доир шуд. Дар рӯзи якум рақобатҳо дар вазнҳои 65кг, 75кг, 90кг ва +90 кг сурат гирифта, то даври ¼ ниҳоӣ расиданд. Дар ин мусобиқа паҳлавонони соҳибноми кишвар аз қабили Ҳақназар Назаров, Саидҷалол Саидов, Комроншоҳи Устопириён, Темур Раҳимов, Ҷаҳонгир Маҷидов, Хуршед Маҷидов, Саидҷамол Алимардонов ва дигарон иштирок ва ҳунарнамоӣ карданд. Хотиррасон мешавем, ки рақобатҳои даври ¼ ниҳоӣ, ½ ниҳоӣ ва финалҳо дар ҳамаи вазнҳои номбаршуда, фардо соати 13:00 бо вақти Душанбе баргузор мешаванд. Рақобатҳои мазкурро шабакаҳои ТВ “Варзиш” ва ТВ “Футбол” мустақиман манзури тамошобинон мекунанд.