New Yorkdan nazar: Qishloq xo'jaligida yer islohoti muammolari

28.12.2020
Қишлоқ хўжалиги мутахассиси, 70 ёшли Исмоил Оспанов “Элтуз” орқали ўз туркум чиқишларини давом эттириб, навбатдаги видеосини қишлоқ хўжалигидаги ер ислоҳотлари муаммоларига бағишлади. “Ер ислохоти бўлмаса қишлоқ хўжалиги иқтисоди бўлмайди. Ер ислохоти деганда мулкчилик шаклига бўлган муносабат назарда тутилади” дейди Оспанов. Оспановнинг фикрича, Ўзбекистонда мутлақо ер ислоҳотлари ўтказилгани ҳақидаги иддаолар ёлғондан иборат. “Ҳукумат сиёсати фермерларни кластерларга бўйсундириш бўлиб қолаяпти. Бу катта жиноят. Боради, бу ер меники дейди, хохлаган ерини олади. Кейин сотади. Катта холасининг ерими у, сотаяпти. Бу ер фермерларга текин бўлиб берилиши керак. Қандай бўлмасин ҳусусий мулкчилик амалга оширилиши керак” Унинг фикрича, маҳаллий амалдорларнинг раҳбарлар олдида бундай кўзбўямачилик амаллари узоқ совет ўтмишидан буён ўзгаришсиз келмоқда. Бундан илгари “Элтуз” каналидаги видеочиқишларида собиқ ҳоким Исмоил Оспанов мамлакатда энергетика инқирози, кадрлар сиёсати, деҳқонлар ҳуқуқларининг камситилиши, кластер тизимидаги коррупция ҳолатларини танқид остига олган эди. Eltuz.com

Похожие видео