Fakt va Fikr (Maxsus-27): Fozilxöja Orifxöjayev himoaysi uçun yana 11 kişi videomurojaat yölladi! HD

Видеоблогер Фозилхўжа Орифхўжаев ҳимояси учун яна 11 киши видеочелленжга қўшилди ва ўз видеомурожаатини йўллади. Бу аввалгидан яхши натижа, ўсиш, деганидир. Чунки илгари беш кун ичида атиги 9 киши видеомурожаат қилган эди. Ҳозир эса икки кун ичида 11 киши қўшилди. Видеочелленж иштирокчиларининг жами сони 20 кишига етди. Мазлум биродаримиз ҳимоясига отланган ҳар бир ватандошимиздан Аллоҳ рози бўлсин! Шу хайрли ишда иштирок қилганларнинг ва яқинларининг бошига бундай балолар ёғилмасин! Аллоҳ жасур ватандошларимизни золимлардан ўзи ҳимоя қилсин! ДИҚҚАТ! Видеочелленжимиз Фозилхўжа Орифхўжаев озодликка чиққунча давом этади. Кимда ким унда иштирок қилиб, мазлум биродаримизнинг тақдирига бефарқ эмаслигини ва адолат тарафдори эканлигини билдирмоқчи бўлса, 10-15 секундлик видеомурожаатини Facebook ижтимоий тармоғи орқали эълон қилиши (агар шу тармоқда саҳифаси бўлса), мурожаатининг линкини @faktfikr2021 Telegram-аккаунтига жўнатиши мумкин. Агар кимдадир Facebook да саҳифаси бўлмаса, ўз видеомурожаатини @faktfikr2021 Telegram-аккаунтига Телеграм орқали жўнатиши мумкин. Видеомурожаатларнинг тўпланишига қараб, 10, 20 ва 30 тасини бирлаштириб, эълон қилиб борамиз, иншаАллоҳ! Мурожаатингиз бошида ўзингизни таништиришни унутманг! Бобомурод Абдулла 2021 йил 15 июль