Чӣ гуна ҷавони тоҷик 15 асбоб менавозад HD

Акбари 23-сола навозандаи ғайриоддист – ӯ 15 асбоби мусиқиро озод навохта метавонад. Акбарро нобиноӣ то имрӯз азият медиҳад. Мегӯяд ба ин ҳама нигоҳ накарда бо кӯмаки падараш кушидааст то ин касбро биомӯзад. Мегӯяд касби навозандагӣ имрӯз нонаш медиҳад. Бо баъзе гурӯҳои навозандагӣ ҳамкори мекунад ва зиндагии имрӯзаашро пеш мебарад. Акбар Каримов ҳамагӣ 4 сол дошт, ки аз сабаби фишори мағзӣ ба чашмонаш осеб расид ва дигар наметавонист дунёро бо чашмони сар бубинад. Ҳаёт барояш хело сахт буд. Кӯдаке, ки ҳоло сарфаҳми чизе намерафт. Бадиро аз хубӣ наметавонист фарқ кунад. Худ намедонист ки чаро Худо ин дардро барояш раво дида. Аз оне, ки ба Худо ва амалҳояш бовар дошт, ҳамаро таҳаммул кард ва кӯшид то ба ин ҳама одат кунад. Аз миён рӯзҳои зиёд гузашт, тақрибан ду сол! Акбар акнун 6 сола шуд ва тасмим гирифт то аз соли дигар ба мактаб равад. Барои ин хело омодагӣ гирифта буд. Ҳарчанд наметавонист дунёро бубинад, вале завқи кӯдакияш меҷушиду акбари хурдсолро, ки чанде пеш аз биноӣ маҳрумшуда буд, тела медод ба ҳалқаи дӯстон! Бовар дошт агар мактаб биравад бо рафиқонаш дарс меомӯзанду бозӣ мекунанд ва рӯзҳои талхи гузаштаро фаромӯш хоҳад кард. Фақат чанд вақти дигар боқи монда буд, ки Акбар ба орзуҳои худ ноил шавад, аммо... як ҳодисаи нохушӣ дигар сади роҳи орзуҳои эшон шуд. Чанде баъд дар таркиши газ сару рӯи акбар сухт. Ин ҳодиса болои ҳама дардҳои ӯ дардҳои дигар зам кард. Дилшикастагиву ғаму андуҳ акбари хурдсолро ҳамеша азият мекарданд. Аммо аз оне, ки қавиирода ва сарсахт буд таслим намешуд ва ба ояндаи дурахшон бовар дошт. Пас аз хуб шудани саломатиш ба мактаби нобиноёни 4 сола дар шаҳри душанбе рафт ва онҷо тиаҳсил кард. Подписывайтесь на наш канал, и посетите наш: Веб-сайт: https://asiaplustj.info Facebook: https://www.facebook.com/newstj Instagram: https://instagram.com/asiaplustj #талант #таджикистан #asiaplus