МАРГИ 8 ТОҶИК дар сарҳади ТОҶИКИСТОНУ ҚИРҒИЗИСТОН. Маҷруҳон ЗИЁДАНД HD

// Пресса// Бо гузашти ду рӯз аз муноқишаҳои хунин дар марзи Тоҷикистону Қирғизистон теъдоди фавтидагон аз ҷониби Тоҷикистон 10 нафар ва теъдоди захмиён беш аз 90 нафар будааст. Яке аз қурбониён афсари нерӯҳои марзбонии Тоҷикистон, САЛОҲИДДИН ГАДОЕВ, аст. Вай 28 сол дошта, фармондеҳи яке аз дидбонгоҳи ноҳияи Мастчоҳ будааст. Салоҳиддин Гадоев, хатмкардаи Донишгоҳи қувваҳои сарҳадии Қазоқистон ва соҳиби рутбаи ҳарбии майор будааст. Афсари кушташуда се фарзанд дошт. Ҳамчунин, дирӯз БАХТОВАР МАҲМУДОВ, сокини ҷавони деҳаи Наймани ҷамоати Сурхи шаҳри Исфара, низ кушта шудааст. Ӯ субҳи 29-уми апрел барои обмонӣ ба боғашон рафта будааст ва бегоҳи дирӯз фавтидааст. Инчунин, рӯзи гузашта ба ҷавони 32-солаи ин ҷамоат, УМЕДҶОН ЮСУФОВ, тир расид ва ӯ ҷон дод. НЕКРӮЗ ҒАФУРОВ, сокини деҳаи Даҳбеди ҷамоати Қаратоғи шаҳри Турсунзода, низ дар муноқишаи марзӣ бо Қирғизистон рӯзи 29-уми апрел кушта шудааст. Ӯ 28 сол дошта, соҳиби ду фаразанд буд. Ба иттилои дарёфтӣ, дар ҳодисаи рӯзи 29-уми апрел ҲИКМАТУЛЛО МАҲКАМОВи 26-сола ва ИБРОҲИМХОН ҲОШИМЗОДАи 26-сола, сокинони маҳаллаи Навободи Ҷамоати Чоркӯҳ кушта шудаанд. Як намояндаи ҷамоати Чоркӯҳ гуфт, ШЕРАЛӢ РАҲМАТЗОДА ва САФАР НАБИЕВ, низ ду сарбози қисми марзбонии Исфара, ҳангоми навбатдорӣ аз тири силоҳи оташфишон кушта шудаанд. Ҷасади онҳоро имрӯз дафн кардаанд. Ҷустуҷӯ ва санҷиши маълумот дар бораи қурбониёни дигар идома дорад.