Фæстаг Фæндараст

Республикæйы абон фæстаг фæндараст загътой лингвист, профессор, ахуыргонд, Цæгат Ирыстоны паддзахадон университеты ахуыргæнæг- Къомайты Риммæйæн. Дæсгай азты фæкуыста æмæ арф зонындзинæдтæ фæлæвæрдта студенттæн. Баисты мингæйттæ. Къомиан, зæгъгæ, йæ уыдон хуыдтой фæсаууонмæ, раст цыма сын хи бинойнаг уыдис, уымæ гæсгæ. Къомайты Риммæйы рауагъдонтæ кусынц канд республикæйы бæрнон бынæтты нæ, фæлæ æгас паддзахады дæр. Уырыссаг æвзаджы сусæгдзинæдтæ ахуыр кæныны йын æмбал нæ уыд. Рауагъта дæсгай наукон куысты, уыдис методикон æрмæджытæ фыссæг, дипломон куыстыты разамонæг. Уыдис æм паддзахадон хæрзиуджытæ дæр. Æмкусджытæ, зæгъгæ, Къомайты Риммæ хуыдта, йæ алыварс чи уыд, уыдонæй се `ппæты дæр. Студентты дæр - афтæ. Уæлдай йын нæ уыдысты сæ кар æмæ сæ кады нысæнттæ. Ирыстон кæмæй фæцух, уый бамбардзæн æрмæстдæр уыцы адæймаг, æмæ Риммæйы хорз чи зыдта. Цыргъ зонды хицау, арф зонадон бынтæ, тæмæнкалгæ æмæ сыгъдæгзæрдæ хъазæн ныхас. Уарзта цард, зыдта, цæрын куыд хъæуы, уый дæр. Ханайты Зæлинæ, филологон наукæты кандидат, кафедрæйы доцент: «Номдзыд декан, номдзыд адæймаг, стыр аргъ кæмæн кодтам не `ппæт дæр, ахæм. Бахъуаджы сахат æм-иу базгъордтам, цæмæй нæ зын уавæры раст фæндагыл бафтауа. Æмæ ныл-иу йæхи никуы атигъ кодта. Цыдæр ахæм ныхæстæ-иу ссардта, æмæ-иу дзы цыдæр æнахуыр уæнгрогæй рацыдыстæм». Къомианæй чи нæ тарст, ахæм студент бон цырагъы рухсмæ дæр не ссардзынæ. Фæлæ йын дзæвгар фылдæр та йæ ныхасæн аргъ кодтой. Хатт-иу уый разынд бындурон, йæ фæстæ-иу дзурын кæмæн нал хъуыд, ахæм. Канд факультеты нæ зыдтой уый. Къомайты Риммæмæ уыдис, абæрæн кæмæн ницæимæ ис, ахæм дзырдарæхсты миниуджытæ. Чифæнды уæд, уайтагъд æм-иу хъусыныл фесты. Æмæ-иу, чи зоны, сæхимидæг хæлæг кодтой, бæргæ, мах дæр ахæм хъæздыг æвзагæй амонд куы уаид, зæгъгæ. Рæмонты Тамерлан, студент: «Æрмæст йæ фæкастæй дæр-иу адæймаг йæхиуыл схæцыд. Кæддæр мæ бафарста, нæ, дам, мæ тæрсыс? Æз ын дзуапп радтон, нæ, зæгъгæ. Уый мæм æдзынæг ныккаст, æмæ сабыр хъæлæсæй сдзырдта, цыдæр хъæбатыр, дам, дæ. Афтæ мæм кæсы, æмæ йемæ чи нал базонгæ уыдзæн ныр, ууыл йæ хъысмæт хинæй рацыд. Йæ фидар æмæ фæзминаг зонындзинæдтæй сæ хай нал уыдзæн». Абон йæ кæстæр æмкусджытæ æдзæмæй аззадысты. Къомианы ацыд сæ фегуыппæг кодта. Фæлæ йæ амæлæты фæстæ дæр Риммæйæн йæ худæджы ныхас уæлæуыл баззад. Бирæ ма йæ мысдзысты, йæ ном ын нæ ферох кæндзысты, бæстæйы алы кæрæтты чи кусы, йæ уыцы студенттæ дæр. Мысыкаты Беллæ, филологон наукæты кандидат, кафедрæйы доцент: «Къомайты Риммæйы дзыхæй-иу цы цыргъ ныхас райхъуыст, уый-иу адæмы `хсæн баззад. Æвæццæгæн, уый дæр амонд у. Йæ фæстаг фæндарасты бон дæр ма йын сæ æрæмысыдысты. Йæ карз цæстæнгасы арфы бæрæг дардта йæ фæлмæн зæрдæ, æппынæдзух куыста, цæмæй йæ бирæ зонындзинæдтæ йемæ ма ахастаид. Йæ царды фæстаг бонмæ уыдис университеты». Хæбæлаты Фатимæ, журналистикæйы факультеты декан: «Хъуамæ цыппæрæмы куыстаид, фæлæ æрбацыд университетмæ уæддæр. Йæ цæст ныл ахаста, иучысыл не `хсæн фæцис æмæ ацыд хæдзармæ... Цæмæй йæ зыдтам, æмæ йæ нал фендзыстæм. Тынг у