А. Pikulitska: “Soʼz erkinligi toraydi, erkin fikrlovchilar Oʼzbekistondan ketmoqda” HD

А. Пикулицка: “Сўз эркинлиги торайди, эркин фикрловчилар Ўзбекистондан кетмоқда” Қарийб 2 сутка ўзбек-қозоқ чегарасида қолиб кетган польшалик мустақил журналист Агнешка Пикулицка-Вильчевска, охир-оқибат Ўзбекистонга киритилмади. 2 совуқ тунни чегарада ўтказган журналистнинг айтишича, 9 ноябрь у Тошкент аэропортидан мажбуран Истанбулга учириб юборилган. Журналист ҳозир Польшада ва ҳануз Ўзбекистонга қайтишни ният қилмоқда. Ҳозирча Ўзбекистон томони журналистнинг мамлакатга киритилмагани ва мажбуран бошқа давлатга чиқариб юборилгани борасида бирор расмий изоҳ бергани йўқ. Қатор халқаро ташкилотлар ва фаоллар, матбуот ва сўз эркинлиги борасида кетма-кет ислоҳотларни ваъда қилган Мирзиёев ҳукуматининг бу ҳаракатини кескин қораламоқда. The Guardian, Al Jazeera, The Diplomat ва Eurasianet нашрлари ҳамкори бўлган ва Ўзбекистондаги вазиятни ҳам фаол ёритиб келган журналист сўнгги бир йил ичида тез-тез Ўзбекистон жамоатчилиги диққатига тушди. У қатор жиддий муаммолар - журналист ва блогерлар фаолиятига чеклов, таъқиблар, жумладан Миразиз Бозоровнинг калтакланиши ҳамда қўлга олиниши, Интернет тармоқларининг блокланиши, бундан ташқари Тошкентда дарахтларнинг аёвсиз кесилиши каби долзарб масалаларни хорижий матбуот ва тармоқларда фаол ёритди. Ўзбекистонда ишлаш учун аккредитация муддатини узайтириш сўрови Ташқи ишлар вазирлиги томонидан рад этилганини билдирган эди. *** Qariyb 2 sutka o‘zbek-qozoq chegarasida qolib ketgan polshalik mustaqil jurnalist Agneshka Pikulitska-Vilchevska, oxir-oqibat O‘zbekistonga kiritilmadi. 2 sovuq tunni chegarada o‘tkazgan jurnalistning aytishicha, 9 noyabr u Toshkent aeroportidan majburan Istanbulga uchirib yuborilgan. Jurnalist hozir Polshada va hanuz O‘zbekistonga qaytishni niyat qilmoqda. Hozircha O‘zbekiston tomoni jurnalistning mamlakatga kiritilmagani va majburan boshqa davlatga chiqarib yuborilgani borasida biror rasmiy izoh bergani yo‘q. Qator xalqaro tashkilotlar va faollar, matbuot va so‘z erkinligi borasida ketma-ket islohotlarni va’da qilgan Mirziyoev hukumatining bu harakatini keskin qoralamoqda. The Guardian, Al Jazeera, The Diplomat va Eurasianet nashrlari hamkori bo‘lgan va O‘zbekistondagi vaziyatni ham faol yoritib kelgan jurnalist so‘nggi bir yil ichida tez-tez O‘zbekiston jamoatchiligi diqqatiga tushdi. U qator jiddiy muammolar - jurnalist va blogerlar faoliyatiga cheklov, ta’qiblar, jumladan Miraziz Bozorovning kaltaklanishi hamda qo‘lga olinishi, Internet tarmoqlarining bloklanishi, bundan tashqari Toshkentda daraxtlarning ayovsiz kesilishi kabi dolzarb masalalarni xorijiy matbuot va tarmoqlarda faol yoritdi. O‘zbekistonda ishlash uchun akkreditatsiya muddatini uzaytirish so‘rovi Tashqi ishlar vazirligi tomonidan rad etilganini bildirgan edi. Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor | #Ozodlik #Matbuot #Mirziyoyev #Agneshka