Mongolian babies

Ошо: Будда олон удаа: "Эс дхаммо санатано" гэж хэлсэн байна. " Энэ бол мөнхийн хууль: чи өгч байгаагаа л авч байдаг". Хэрэв дайсагналыг дайсагналаар устгахыг оролдож байвал чи хэзээ ч түүнийг устгаж чадахгүй. Хэрэв чи хайраар хариулж байвал аль хэдийн устгачихсан гэсэн үг. Энэ бол мөнхийн хууль энэ бол мөнхийн шашин энэ бол эртний, мөнхийн хууль. Өөр юу ч өөрөөр байдаггүй. Ошо: Энэрэн нигүүлсэхүй гэдэг нь хайр өгөхийг хэлж байгаа юм. Хайр гэдэг бол өгөх, хүлээж авах хоёрын хооронд байж байдаг. Хэн ч хэзээ ч сексээр ханаж байгаагүй. Секс гэдэг нь хайр шаардахыг хэлж байгаа юм. Энэрэн нигүүлэх үед хүн дандаа сэтгэл ханамжтай байдаг. Хайр бол секс, энэрэн нигүүлэхүй хоёрын дунд оршиж байдаг. Ямар нэг хэмжээний ханамж бий, бас ямар нэг хэмжээний эс ханамж ч бас бий. Тийм болохоор л хайр гэдэг нь хагас нь энэрэн нигүүлсэхүй, хагас нь хүсэл байдаг юм. Хайр энэ хоёр сэтгэлийг ижил хэмжээтэй агуулж байдаг. Тийм болохоор л хайранд өчнөөн их баяр баясгалан, өчнөөн их зовлон шаналал байдаг юм. Германы агуу философич Иммануил Кант ес суртахууныг ингэж тодорхойлсон байдаг: "Нөгөө хүнээ хэрэгслэл болгон шиглахыг ёс суртахуунгүй байна гэдэг, нөгөө хүнээ зорилго болгон ашиглахыг ёс суртахуунтай байна гэнэ".Энэ бол их фундаментал баталгаа. Өөр хүнийг өөрийнхөө төлөө ашиглах нь тачаал. Чи зөвхөн хайрын тухай л ярьдаг: " Би чамд хайртай". Гэтэл дотроо чи чамайг өөр хүн хайрлаасай гэж хүсч байдаг. Тийм болохоор над дээр хүмүүс ирээд, тэд мянга мянгаараа ирдэг: " Би хайрлаж байсан хүнээсээ хайр аваагүй," гэж хэлдэг. Надтай хэзээ ч: " Би хайрлаж байсан хүнээ жинхэнээсээ хайрлаж байгаагүй," гэж хэлсэн хүн дайралдаагүй. Энэ их сонирхолтой үзэгдэл. Хэн ч ирсэн бай: " Би хайртай хүндээ хайртай нь мэдээж," гэдэг. Тэд үүндээ эргэлздэггүй. Харин ч бүр: " Би хайрладаг хүнээсээ хариу хайр авдаггүй," гэдэг. Гэтэл тэр хүний нөгөө хос нь над дээр ирээд яг адилхан юм хэлдэг: "Би хайрладаг хүндээ хайраа өгсөн. Гэтэл түүнээс хайр авч чадахгүй байна. Намайг хуурчихжээ.Надаас урвасан юм шиг санагдаж байна.Би их тэнэг байдалд байна," гэнэ.Харин эхнэр нөхөр, эцэг хүү, найз нөхдүүд хоёулаа ирэхлээрээ нэг л юм хэлдэг: "Би түүнд хайртай байсан". Үнэн юундаа байна вэ гэвэл тэдний хэн нь ч жинхэнээсээ хайрлаж байгаагүй. Тэгээд би хэлье, хүн хэрвээ үнэхээр хайрлаж байвал тийм л хариу авах нь зайлшгүй, хайр нь цуурай болж буцаж ирдэг.Чи юу өгч байна түүнийгээ дандаа буцааж авч байдаг.