Ene matatu na sacco kuuria thirikari ithathaure wega ukinyaniru wa ngari

Arugamiriri a sacco cia ngari,matereba undu umwe na makanga nimoritie thirikari kumathathaurira kiria irakorwo ikiuga riria iramoria ngari ciao ikorwo ikinyaniirie ikiro. Uu ni thutha wao gukaya kunyitwo kwa ngari ona thengia wa gukorwo ithiite kurorwo na igetikirio gucoka barabara-ini,o riri kuhithukite ngari iria itakinyaniirie ikiro irakuua athii gwatuka niguo gwithema mitego ya borithi. Namba ya mahitia ma barabara maria mekwandikithitio gugikinyiria kiroko kia umuthi ikirugamira 5,600.