Москвада кыйналган Африкалык каары жигитти өз мекенине узаттык. КМДБ Кайрымдуулук фонду HD

Ассаламу алейкум Бүгүн КМДБ Кайрымдуулук фонд жамаатынын жигиттери Африкалык Мухаммад каарыны Шереметьево аэропортунан узатып келди. Жоомарт инсанды Аллах жакшы көрөт. Чет жерде журуп бирөөнүн эшигин шыпырып, полун жууп, баласын карап жана башка оор жумуштарда иштешип жоомарттык кылып Африканын Судан мамлекетинен келген Мухаммад аттуу бир тууганыбыздын өз мекенине, ата энесинин алдына жетишине жардам берген мекендештерден Аллах ыраазы болсун. “Мусулман мусулмандын бир тууганы. Ага зулумдук кылбайт жана кароосуз калтырбайт. Кимде-ким мусулман бир тууганынын муктаждыгын камсыздаса, ага Алла Таала Өзү жардам берет. Кимдир бирөө мусулман бир тууганын кандайдыр бир кыйынчылыктан куткарса, Алла Таала да кыямат күнүндө ал адамды кыйынчылыктан алыс кылат. Ал эми кимде-ким мусулман бир тууганынын кемчилигин жашырып, күнөөсүн кечирсе, Алла Таала да кыямат күнүндө ал адамдын кемчилигин жашырып, күнөөсүн кечирет”. (Бухари, Муслим,)