Афзалшоҳи Шодӣ дар маҳфили Фарзонаи Хуҷандӣ. "Шоир ба чӣ кор ояду шеъраш ба чӣ коро". Овози зинда.
Дар олами сангиндилу бемеҳру мудоро, Шоир ба чӣ кор ояду шеъраш ба чӣ коро?! Ку гӯш, ки оҳанги писанде бишиносад, Ку шавқ, ки девона кунад синаи моро?! Ҳангомафурӯшон сари бозори замонанд, Афсонаашон номи Самарқанду Бухоро. Аммо чӣ Самарқанд, агар қанд набошад? Аммо чӣ Бухоро, ба дили санги чу хоро?! Бағдоду Димишқ аз аз назари дину дил афтод, Дар кишвари нафсанд мусалмону насоро! Он кӯдаки афғон, ки бизоданд дами ҷанг, Пирона сӯйи сулҳ кашидаст асоро. Пайваста ба як ҳаста чӣ Чин асту чӣ Мочин, Афканда ба як варта чӣ шоҳу чӣ гадоро! Буҳрони самоиву заминии замонӣ, Афтода, ки бишнос ту худрову Худоро! Моему шунидан ба ҳамон одати тифлӣ, Афсонаи гургу бузаки ҷингилапоро... #afzalshoh #ozarakhsh #farzona #2019