Хабар. Гуштини миллӣ. Ғолибони "Ҷоми Пойтахт" муайян шуданд (27.04.2019)

Имрӯз, 27-уми апрели соли 2019 дар Муассисаи давлатии “Наврузгоҳ”-и пойтахт ба ифтихори Рӯзи пойтахт мусобиқаи ҷумҳуриявии гӯштингирӣ барои дарёфти Ҷоми пойтахт-2019 бо иштироки беҳтарин чеҳраҳои варзишии кишвар баргузор шуд. Мусобиқаи мазкур аз ҷониби мақомоти иҷроияи ҳокимияти давлатии шаҳри Душанбе дар якҷоягӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи гӯштини миллии "гӯштингирӣ" роҳандозӣ гардида буд. Дар мусобиқаи мазкур зиёда аз 80 нафар беҳтарин чеҳраҳои варзишии кишвар иштирок дошта, миёни ҳам рақобат неруозмоӣ намуданд. Рақобатҳо дар вазни - 80 кг ҷолибу дидани сурат гирифтанд. Дар ин вазн шоҳҷоизаро паҳлавони шинохтаи кишвар Чемпиони ҷаҳони самбо, Беҳӯзи Хоҷазода соҳиб гардид. Қаҳрамони асосии ин чорабинӣ паҳлавони гаронвазни кишвар Темур Раҳимов гардид, ки бар ҳамаи рақибонаш пирӯз шуда, соҳиби ҷои аввал ва автомашинаи сабукрав гардид. Зинаи дуюми вазни +80кг –ро Шарамамад Мирмамадов ва ҷои сеюмро Комроншоҳи Устопириён аз худ намуданд. Инчунин барои ҷойҳои дуюм 10000 сомонӣ ва ҷойи сеюм 5000 сомонӣ муайян карда шуда буд. Гуштини милли / Чоми пойтахт / Душанбе / Хочазода Бехруз / Саидчалол Саидов / Комроншох Устопириён / Таджикистан / дзюдо / Гуштин 2019 / Темур Рахимов / Komronshoh Ustopiriyon / Temur Rahimov / Behruz Khojazoda / Saidjalol Saidov / Tajikistan judo