СӮХТОРИ НАВ ДАР БОЗОРИ “КОРВОН”

Соати дувоздаҳи рӯзи 3 октябр бар асари таркидани як балони кислород дар “Корвон” – бузургтарин бозори шаҳри Душанбе сӯхтор рух додааст. Дар видеое, ки ба дасти сомонаи “Ахбор” расид, дида мешавад, ки дӯкондорон бо шитоб дари мағозаҳои худро баста, молҳои худро ҷамъугир доранд. Шоҳидон мегӯянд, аксари дӯконҳо дар дарвозаҳои 2,3 ва 4 баъди оғози сӯхтор баста шуданд. Мақомот ҳанӯз ҳаҷми сӯхторро шарҳ надодаанд.