Жеребьевка Чемпионата мира по футболу U-17

Фардо, 11-уми июл дар қароргоҳи Федератсияи умумиҷаҳонии футбол (FIFA) воқеъ дар шаҳри Сюрихи Швейтсария маросими қуръакашии Ҷоми ҷаҳон-2019 байни футболбозони то 17 сола доир мешавад. Дастаи миллии наврасони мамлакат баъди ин маросим, ки қарор аст пагоҳ сурат гирад, ҳарифони худро пайдо хоҳад кард. Дастаи мо ба сабади чаҳорум шомил буда, ҳини қуръакашӣ бо дастаҳое чун Ангола, Ҳаити, Венгрия, Сенегал ва Ҷазираҳои Соломон наметавонад рӯ ба рӯ шавад. Ғайр аз ин дастаҳои як созмон ба гунаи мисол AFC имкони дар як гурӯҳ бо ҳам рақобат карданро надоранд. Аз ин бар меояд, ки дастаҳои Ҷопон, Кореяи Ҷанубӣ, Австралия ва Тоҷикистон ҳарифи ҳамдигар нахоҳанд шуд. Баъди анҷоми қуръапартоӣ 24 даста ба 6 гурӯҳ шомил шуда, ба даври дигар ду тими беҳтарин ва 4 дастаи хуби ҷойи сеюм роҳ меёбанд. Ҷоми Ҷаҳон-2019 (U-17): Сабади 1: Бразилия, Мексика, Нигерия, Франсия, Ҷопон, Испания. Сабади 2: Аргентина, ИМА, Зеландияи Нав, Парагвай, Эквадор, Кореяи Ҷанубӣ. Сабади 3: Италия, Камерун, Австралия, Чили, Канада, Голландия. Сабади 4: Ангола, Ҳаити, Венгрия, Сенегал, Ҷазираҳои Соломон, ТОҶИКИСТОН.