LIVE: Savol-javoblar (05.09.2018) HD

Bu darsimizda berilgan savollar quyidagi mavzulardadir: 1:40 Men avtoulov olib sotaman. Sotish uchun mashina olgandim. Uni birovga sotib, soʻng oʻsha odamdan oʻsha mashinani nasiyaga olsam joizmi? 5:38 Dangasalikdan qaytaradigan duo bormi? 10:55 Namozda aksa urgan kishi “Alhamdulillah” desa, namozi buziladimi? 15:31 Chaqaloq tugʻilayotganida Alloh uning ruhini olib qoʻyadi, tugʻilib boʻlgach, ruhini qaytaradi, shundan soʻng chaqaloq yigʻlaydi, deb eshittim.Shu toʻgʻrimi? 18:45 Shaytonda ilm bor, u olim boʻlgan, deyiladi. Bu qanchalik haqiqat? 23:52 Kofir yurtlarda ayollarning avratni yopmaydigan kiyimlari sotiladigan doʻkonda ishlash joizmi? 27:55 Qoʻshxotinli erkak ayollaridan biri bilan safarga chiqsa va boshqasi uyida qolsa, bu holatda safardan oldin ayollari oʻrtasidagi kecha taqsimotini tengma-teng qilib ketishi kerakmi? Bu boradagi shariat hukmi qanday? 35:35 Choʻkayotgan odamlarni qutqarib, oʻzi choʻkib ketgan odam shahid boʻladimi? 40:40 Ustoz, turmush oʻrtogʻim sharʼiy ilm olishimga toʻsqinlik qilishi joizmi? 46:18 Oʻgay onam bor, hech koʻzimga yaxshi koʻrinmaydi. Oʻgay onaga qanday munosabatda boʻlish kerak, bu haqda islomda nima deyilgan? 52:58 Hadislarda shumlik – baxtsizlik uch narsada yashiringan: ot-ulovda, uy-joyda va xotinda deyilgan ekan. Iltimos, shu hadisni toʻliqroq sharhlab bersangiz. Mabodo xotinda shumlik alomatlari topilsa, bu erning taqdiriga taʼsir oʻtkazadimi? 59:59 Men baʼzan bomdod uchun masjidda tahorat olib, tahoratdan keyingi namozni, tahiyyatul masjidni va bomdodning2 rakaat sunnatini bir qilib 2 rakaat oʻqiyman va 6 rakaat namoz savobini umid qilaman. Ammo uyda boʻlsam, tahorat namozi bilan bomdodning sunnatini niyat qilib 2 rakaat oʻqiyman. Shunday qilishim joizmi? 1:03:20 Shariatimizda uy qurish toʻgʻrisida biror koʻrsatma yoki yoʻl-yoʻriq bormi? 1:11:05 Qassobxonada ishlayman. Bir ayol menga “Goʻshtni bir pichoq tortishda kesing, qon chiqmasin”, dedi. Men “Tinchlikmi?”, dedim. “Bir ayol aytdi, oʻgʻlimni sochi toʻkilgan, goʻshtni boshiga oʻrayman”, dedi. Bunaqasini eshitmagan edim. Yana bir ayol “Oʻgʻlim yurmayapti, goʻshtni ustida yurgizaman”, degan gaplarni qildi. Bu ishlar toʻgʻrimi? Agar bu notoʻgʻri boʻlsa, buni bila turib men ularga goʻsht sotishim toʻgʻrimi? Iltimos, tushuntirib bersangiz. 1:18:59 Biz xorijda yashaymiz. Baʼzi musulmon qoʻshnilarim ikki oila bir kvartirada yashashadi. Koʻproq pul orttirish maqsadida shunday qilish joizmi? 1:26:58 Ukamni ota-onam uylantirgan. U xolamning qiziga uylangan. Meni begonadan uylantirishgan. Onam, singillarim va ukam xotinimga kun berishmaydi. Men Rossiyada ekanimda ukam xotinimni bugʻib, boʻyniga pichoq tiragan, oʻldiraman, degan. Men onam va ukalarimga hech narsa deya olmayapman. Hammasi ukamning xotiniga yon bosishadi. Iltimos, menga maslahat bering. 1:30:19 Biz tomonlarda choʻzma qilib Qurʼon tilovat qilishadi. Baʼzida qoʻshnilar choʻzma qilib, meni chaqirib, Qurʼon oʻqib bering, deyishadi.Mazkur holatda Qurʼon oʻqib bersam gunohkor boʻlmaymanmi? 1:33:20 Bi