Духтарак аз тарси муаллима сӯзани рӯймолашро фурӯ бурдааст

Шукрона Давлатова и 12-сола, хонандаи синфи 5 -уми мактаби рақами 172, ноҳияи Рудакӣ иддаъо дорад, ки аз тарси муаллима сӯзанаки рӯсарияшро фурӯ бурдааст, аммо устодони мактаб инро рад мекунанд. Шукрона, ки рӯзи сешанбеи 3-юми июн дар беморхонаи Қарияи Болои шаҳри Душанбе қарор дошт, дар сӯҳбат бо радиои «Озодӣ» гуфт, ки вай воқеан 5 рӯзи пеш аз тарси муаллима сӯзанаки русариашро фуру бурдааст. Вай гуфт, "Вақте ба мактаб барои дарси иловагӣ рафтам, муаллима Иброҳимова ҷанг кард, ки сатратро гир. Ман саросема шуда, рӯймоламро гирифтам. Вақте сӯзани рӯймоламро дар даҳонам гирифтам, ки сӯзан ба гулӯям рафт. Рӯзи панҷшанбе шикамам дард кард. Хостам аз дарс ҷавоб гирам. Ба роҳбари синфам гуфтам, ки ҷонишини директори мактаб ҷангам кард аз тарс сӯзанро хурдам, муаллима гуфт, хонаамон раваму ба директор нагӯям