"Ту ҳам ёде бикун аз ман" HD

Агар Кароматуллои Қурбон, овозхони маъруфи тоҷик зинда мебуд, имрӯзҳо 60-сола мешуд. Ӯву чанде аз ҳамроҳонаш яке аз аввалин қурбониҳои ҷанги дохилии Тоҷикистон шуданд. Дар зодгоҳи Кароматулло - шаҳри Кӯлоб маросими ёдбуди ин ситораи ҳунар бо ҳузури фарзандони овозхонаш барпо шуд, ки бо таронаву оҳангҳояш дар мусиқии эстрадаи миллии солҳои 1980-ум рангу ҷилои тоза бахшидааст.