Акафист пред иконой Божией Матери ДОНСКАЯ.

Донска́я ико́на Бо́жией Ма́тери — икона Богородицы с младенцем Христом на руках, выполненная в иконографическом типе Елеуса. Икона является двусторонней, на её обороте изображено Успение Богородицы.По преданию (согласно предисловию ко вкладной книге Донского монастыря от 1692 года), была поднесена донскими казаками из городка Сиротина московскому князю Дмитрию Донскому перед Куликовской битвой (1380 год). В Русской церкви икона почитается чудотворной, празднование в её честь совершается 19 августа (1 сентября).--------------------------------------------Кондак 1Взбранней Воеводе победительная, яко избавльшеся от злых, благодарственная восписуем Ти раби Твои, Богородице, но, яко имущая державу непобедимую, от всяких нас бед свободи, да зовем Ти:Радуйся, Владычице, иконою Твоею Донскою в напастех нам помогающая.Икос 1Архангела благовестие слышавши Пречистая, соизволи воле Господа Своего и со смирением сердца отвеща: Се, Раба Господня, буди Мне по глаголу твоему. Мы же, дивящеся, како Сын Божий Сын Девы бывает, со Гавриилом Благодатную песньми почтим:Радуйся, Отроковице, от всех родов Богоизбранная; радуйся, скиние, Духом Святым осененная.Радуйся, живоносная обитель Света божественнаго; радуйся, Мати Божия, Спаса миру рождшая.Радуйся, яко Тобою, Благодатная, Невидимый нам видим бысть; радуйся, Всепетая, яко сотвори Ти величие Сильный.Радуйся, яко прославлением икон Твоих величие сие возвещается; радуйся, благодать и милость чудотворными иконами Твоими нам являющая.Радуйся, Владычице, иконою Твоею Донскою в напастех нам помогающая.Кондак 2Видяще Тя, Богородице, во объятиих Младенца Христа держащую и главою к пречистому лику Его кротце приникшую, разумеваем божественную любовь Твою и непрестанное о мире ходатайство. В шуйце же держиши плат чистый, еже слезы плачущих скоро осушати, да никтоже от Тебе неутешен изыдет. Веруем, яко имаши велие дерзновение ко благосердию Владыки, и Богу, давшему нам Тя благую заступницу, благодарственно поем: Аллилуиа.Икос 2Разум немощный не может постигнути глубину смиреннаго служения Твоего, Госпоже, на земли Искупителю нашему, не имевшему, где главу подклонити. Во дни бо уничижения и страдания Сына Твоего, Богомати, оружие смертное прохождаше сердце Твое. Сего ради сердцем соболезнующе, глаголем Ти таковая:Радуйся, незлобивая агнице, вертеп и ясли смиренно приявшая; радуйся, богоприимца Симеона скорбное проречение в сердце начертавшая.Радуйся, поношению Сына Божия сострадавшая; радуйся, крестный путь Его слезами оросившая.Радуйся, муки Его крестныя сердцем разделившая; радуйся, кресту предстоянием послушание воле Отца явившая.Радуйся, гробу Сына Твоего благосердый плач принесшая; радуйся, воскресением Его обрадованная.Радуйся, Владычице, иконою Твоею Донскою в напастех нам помогающая.Кондак 3Сила Вышняго содела Тя, Благодатная, источник неоскудевающ утешения бедствующим. Многи бо скорби претерпевши, можеши и искушаемым помощи. Людем российским, люте страждущим от нашествия агарян, благоволила еси явити образ Твой в стру