8 - МИ МАРТ ТАБРИКУ МУБОРАК МОДАРОНУ БОНУВОНИ АЗИЗ.

Модарон, апаҳову хоҳарони азиз ва ҷумла кулли бонувони Тоҷикистон, Шуморо аз самими қалб бо ин рӯзи шараф ки иди модарон дар ҷаҳон машҳур аст табрик гуфта ба Шумо пеш аз ҳама тани сиҳат, хонаи обод, бахти сафед, сарвати беандоза ва тамоми хушиҳои зиндагиро таманно менамоям. Имрӯз рӯзи ту аст Модар. Фардо ҳам! Фардои дигар ҳам! Ҳар рӯз рӯзи ту аст! Ва ҳар рӯзе, ки ту ҳастӣ ва суйи ман табассум мекунӣ, он рӯз рӯзи ман аст. Иди Модарон ҳамҷӯру тавъам бо фасли баҳорон буда, чеҳраи рангини замину замон, шукуфтани гулу лола, ёсуману райҳон, нағмаи мурғони хушилҳом, навои дилнавози обшорон, резиши борони баҳорон, хандаҳои беғаши кӯдакон, табассумҳои ширини гулдухтарон гӯё ҳама пайку навид ва сари таъзим ба Модар аст ва армуғони шодӣ ба ин олиҳаи замон меоранд. Бори дигар шуморо модарону хоҳарон, ба ифтихори ҷашни пуршукӯҳатон самимона табрику муборакбод намуда, ба ҳамаатон тансиҳатӣ, хушбахтиву саодатмандӣ ва рӯзгори хӯшу осуда орзу менамоям: Зан набошад, зебу зиннат нест дар маъвои мо, Ҳуш дар сар, равшанӣ дар дидаи бинои мо. Зан набошад, нест дар рӯи замин нақши ҳаёт, Дон, ки бе зан то абад дар гил бимонад пои мо. #8марттабрикумуборакбод #