КИССАИ МАРДИ ДУЗД ДАР МАСЧИД-УМЕДИ РАХМАТ 2019 HD

Яке аз подшоҳони мусалмон шабе дар болои тахти худ нишаста дар хусуси тақдир ва хушбахтии духтари ҷавонаш дар андеша фурӯ рафт. Ва ба фикри он афтод, ки духтари ягонаашро ба никоҳи кӣ дароварад. Кист он ҷавоне, ки лоиқи духтари ман бошад. Як шабе вазирашро даъват намуд ва ба ӯ супориш дод, ки имшаб ба суйи масҷид бирав ва онҷо ҷавонеро пайдо кун, ки дар тоъату ъибодат хамто надошта бошад. Ҳангоме, ки ҳамагон хобанд у дар ними шаб дар ҳоли намозу муноҷот бошад. Мутаассифона дар ин шаб дузде нақшаи ба масчид даромадан ва дуздидани амволи масҷидро мекашад. Дузд пеш аз вазир ва аскарон ба масҷид мерасад ва мебинад, ки дари масҷид баста аст бо девори масҷид парида дохили масҷид медарояд. Ҳангоми дуздидани чизи гаронбаҳое овози кушодани дарро мешунавад. Аз ин кор дар ҳайрат афтода, дар ҳол худро намозхон нишон медиҳад ва ба хондани намози дуруғин машғул мешавад. Вазир ва аскарон вакте ин ҳолро мебинанд дар тааҷҷуб меафтанд ва мегуянд; - Субҳон Аллоҳ бубин шавқу завқи ин ҷавонро, ки вакте дари масҷидро баста дид, бо девор парида дохили масҷид шуд то намози шабро барпо дорад. Вазир ба аскарон фармон дод то баъди фориғ шуданаш аз намоз ӯро ба пеши ман биёваред,аммо дузд аз тарс ва хавфи марг намозро салом медоду тез намози дигарро шуруъ мекард. Аскарон ба у нигох мекарданду аз тақво ва ибодатгории у тааҷҷуб мекарданд. Намозро чунон дароз хонд ки вазир фармон дод; агар ҳамин намозашро халос кард, пеш аз намози дигарро шуруъ кардан уро нигах доред ва ба пеши ман биёваред. Уро ба пеши подшоҳ оварданд баъди шунидани васфи вазир дар хаққаш Подшоҳ ба у гуфт: - Шояд ту ҳамон шахсе хасти, ки ман дар суроғаш будам. Ман ин тақво ва Худотарсии туро шунида мафтуни ту шудам ва туро домоди ягонаи худ гардонида туро амир хоҳам кард. Ҷавон аз шунидани ин суханон дар тааҷҷуб афтод ва бовараш намеомад. Сарашро шармандавор ба поён андохту ба худ гуфт; - Худоё ба сабаби як намози дуруғинам маро амир гардондӣ ва духтари подшоҳро насибам сохтӣ, пас агар намозҳои аз сидқи дил бихонам чи ҳадяеро бароям тақдим намоӣ.