Pоgonlilarning qorong‘u qilmishi: Soliqchi o‘limida ayblangan IIB xodimlari hibsga olindi HD

13 сентябрь куни Озодлик Самарқанд вилояти Каттақўрғон туман Солиқ инспекцияси бошлиғи ўринбосари Азиз Аҳмедовнинг шу йил 10 июнга ўтар кечаси содир бўлган ўлимидан олдинги эксклюзив кадрларни намойиш этган эди. Унда йўл патрул хизмати ходимлари томонидан ҳуқуқбузарликда гумон қилиниб тўхтатилган солиқчига нисбатан куч ишлатилгани акс этган... Озодлик суриштирувидан бир кун ўтиб, 14 сентябрь куни Бош прокуратура 40 яшар Азиз Аҳмедовнинг ўлими бўйича жиноят иши қайта кўриш учун Каттақўрғон туман судига юборилганини маълум қилди. Озодлик қўлга киритган тасвирларда акс этган ҳолат Ўзбекистон Ички ишлар вазирлигининг Азиз Аҳмедов ўлимига доир эълон қилган расмий видео версиясидан кескин фарқ қилади. ИИБ ходимларининг боди камераларидаги тасвирлар қайчиланиб, монтаж қилинган расмий версияда Азиз Аҳмедов ўз ажали билан ўлганига ишора қилинган. Озодлик тассаруфидаги видеолар эса Азиз Аҳмедовга нисбатан 4 нафар ИИБ ходими томонидан куч ишлатилганига шубҳа қолдирмайди. *** 13 sentyabr kuni Ozodlik Samarqand viloyati Kattaqo‘rg‘on tuman Soliq inspektsiyasi boshlig‘i o‘rinbosari Aziz Ahmedovning shu yil 10 iyunga o‘tar kechasi sodir bo‘lgan o‘limidan oldingi eksklyuziv kadrlarni namoyish etgan edi. Unda yo‘l patrul xizmati xodimlari tomonidan huquqbuzarlikda gumon qilinib to‘xtatilgan soliqchiga nisbatan kuch ishlatilgani aks etgan... Ozodlik surishtiruvidan bir kun o‘tib, 14 sentyabr kuni Bosh prokuratura 40 yashar Aziz Ahmedovning o‘limi bo‘yicha jinoyat ishi qayta ko‘rish uchun Kattaqo‘rg‘on tuman sudiga yuborilganini ma’lum qildi. Ozodlik qo‘lga kiritgan tasvirlarda aks etgan holat O‘zbekiston Ichki ishlar vazirligining Aziz Ahmedov o‘limiga doir e’lon qilgan rasmiy video versiyasidan keskin farq qiladi. IIB xodimlarining bodi kameralaridagi tasvirlar qaychilanib, montaj qilingan rasmiy versiyada Aziz Ahmedov o‘z ajali bilan o‘lganiga ishora qilingan. Ozodlik tassarufidagi videolar esa Aziz Ahmedovga nisbatan 4 nafar IIB xodimi tomonidan kuch ishlatilganiga shubha qoldirmaydi. Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor | #Ozodlik #IIV #Qiynoq