Drama Seudjarah Atjèh 1873-1978. Bagi keu-VIII. Peumandangan keu-3:2 HD

Teungku Hasan di Tiro: ”Kalheuëh ulôntuan marit keu bansa2 dônja! Djinoë ulôntuan keumeung marit sikrèk-dua keu bansa ulôn Atjèh –Mulia: ”Ka ulôntuan gisa dari Amirika. Ulôntuan djak seutot tapak éndatu mangat tapeugisa kehormatan dan kemuliaan bansa geutanjoë! Uroë njoë masa njang ka ulikôt dan masa ukeuë bansa geutanjoë deungon bandum harapan dan tjita-tjita njang teukandông dalam njan nakeuh meusaboh dalam tubôih geutanjoë keuturônan atjèh njang hudép uroë njoë. Uroë njoë geutanjoëkeuh, droëneuh dan ulôntuan njang djeuët keu hareuta bansa geutanjoë – Bansa Atjèh. Sabab njan, bèk sagai tapeugot droëteuh keu hutang, keu beuban nibak bansa njoë. Geutanjoë kalheuëh tateurimong darah dalam tubôih njoë, nanggroë njang kaja, buleuën njoë, bintang njang meutabu di langèt njoë, agama njoë, adat njoë, basa njoë, tjara udép njoë bandum nibak éndatu geutanjoë turôn-tumurôn. Lagèë ka ta teurimong njoë mandum nibak éndatu geutanjoë dalam keu adaan sampôrna maka wadjéb taputrôn pusaka njoë bandum keu aneuk tjutjo ukeuë dalam keu adaan njang sampôrna tjit meunjo han ék leubèh djroh. Tudjuan hudép geutanjoë MUSTI KON TADJAK PEUSEULAMAT DROËTEUH! Teutapi, tapeudjeuët droëteuh njang djeuët peuleupah deungon seulamat bandum pusaka bansa njan nibak éndatu keu aneuk tjutjo-geuh, nibak keuturônan njang ka ulikôt keu keuturônan ukeuë, nibak baroë keu singoh. BÈK TAPEUGOT DROË KEU GEUNEURASI NJANG PUTÔIH TALOË! KEU RANTÉ NJANG PUTÔIH GLEUËNG! HANA LÉ MEUHO PUNTJA! Tudjuan hudép geutanjoë nakeuh: mangat tapeuseulamat masa njang ka ulikôt dan tabeuna masa ukeuë. Tapeuseulamat keuneubah éndatu keu aneuk tjutjo sibagoë saboh bansa! ”Uroë njoë leubèh 100 boh bansa dalam dônja njang leubèh ubeut nibak geutanjoë, njang hana meuseudjarah lagèë geutanjoë, na njang hantom meurdéhka djameunkon mandum ka meurdéhka djinoë dan kadjeuët keu anggèta bansa2 njang gob horeumat. Geutanjoë Atjèh njang sabé meurdéhka mulai dônja njoë neupeudjeuët uléh Tuhan kadjeuët keu lamiët nibak lamiët Beulanda. Nanggroë Atjèh njoë hantom geudjôk lé éndatu geutanjoë keu Beulanda peuë lom keu sipa-i djawa! Musôh geutanjoë kalheuëh tasipat. Bansa djawa njan sabé djih saboh bansa lamiët gob! Djih hantom djitém muprang peutheun nanggroë djih! Dimasa njang ka ulikôt dalam abad keu 15 padum2 droë nelajan Beulanda njang teuka u pulo djawa njan deungon kapai lajeuë keumah djireubôt nanggroë djawa njan deungon hana muprang, padahai djawa djih sabé ramè that. Lheuëh njan bansa djawa didjadjah lé Beulanda 350 thôn. Lheuëh njan pulo djawa meutuka-tuka djaroë antara peundjadjah Beulanda deungon peundjadjah Inggrèh. Lheuëh njan watèë habéh prang Napoleon di Europa pulo djawa djidjôk pulang uléh Inggréh keu Beulanda. Bandum meutuka-tuka djaroë njoë djiteurimong lé bansa djawa deungon hana djimeulawan. Bak watèë pulo djawa dan bansa djawa meutuka-tuka djaroë njang po djih njan LAGÈË BINATANG, - nibak saboh po keu po njang laén, geutanjoë Bansa Atjèh sabé na saboh Bansa njang Mardéhka dan Nanggroë Atjèh