Нутгийн дуу 23 "Алтан Сайр Уул" Д.Самбуу /а.ж/ HD

Төв Халхын нутаг Архангай аймгийн Цэцэрлэг хотын өмнө Урд Тамирын голын хөвөөнд Цэнхэр сумын нутагт орших хүн малдаа буян хишгээ хайрласан эртний нэгэн домогт уулын тухай дууг Ардын жүжигчин Д.Самбуугийн дуулснаар хүргэж байна. Аяыг УГЗ Т.Насанбуян Үгийг Б.Ранжил Дуучин АЖ Д.Самбуу "АЛТАН САЙР УУЛ" Суварга хайрхантай саахалт буугаад Сувдрах сарны туяанд мөнгөрөөд Аавын минь сүсэгтэй дархан уулаа Ээжийн минь сүүтэй дагшин уулаа Арын сайчуул хурж наадсан Алтан сайр уул минь ээ Наранбулаг нь рашаан юмдаа Насаараа таныгаа дуулж явъя даа Алтан овоотой айлсаж суугаад Ашид мөнхийн цэнгэл үүсгээд Заяын гэгээний адистай уулаа Зартай эрсийн домогт уулаа Дахилт Түмэн агтныхаа тоостой босоод Тамирын толионд уянга нэмээд Булган Цэнхэрийнхээ ураг уулаа Баян бүрдтэй бахдам уулсаа Дахилт Энэхүү видео клипийг бүтээхэд сэтгэл зүрхээ зориулсан Архангай аймгийн Цэнхэр сумын уугуул Алтан овоо багийн малчин Шүлэг Ааяа нэртэй өвөө Лонжидын Аюушжав, эмээ Хандсүрэнгийн Нямжав хоёртоо урт насалж, удаан жаргаж үр хүүхэд, ахан дүүс, нутгийн зон олноо баярлуулж яваарай гэж ерөөе! Өвөө минь та бидэндээ амьдралын өөдрөг үзлийг суулгасан ачтан билээ. Та амьдралдаа хэзээ ч муухай, болохгүй, чадахгүй, бүтэхгүй гэж гутранги зүйл хэлж байгаагүй бөгөөд үргэлж: -Аа Сайхаан, Гоё, Хужир, Тарган, Маягтай, Мундаг, Чаднаа, Бүтнээ, Алтан Сайр минь, Баян хангай минь, Төрийн сүлд минь өршөө гэж хэлдэг ярьдаг тань өдий 90 шахам өндөр наслахдаа эв эрүүл, сэтгэлээрээ цэл залуу явах хувь заяаг танд бэлэглэжээ. Баярлалаа Зээ хүү Р.Б нь