Uzbek Ўзбек йигити Россияда фоҳишалик касбини танлади HD

Россиядаги 3 миллиондан ортиқ ўзбек меҳнат муҳожирларининг аксари қурилишларда ишлайди. Айни пайтда, Россиядаги ўзбек мухожирлари орасида ноëб касб ҳунарларни эгаллаëтганлари ҳам борлигини кўриш мумкин. Кинотасвирчи¸ гримчи¸ морг ишчиси¸ каскадер... Бу рўйхатни яна давом эттириш мумкин. Бу рўйхатда қадимий фоҳишалик касби ҳам борлигини кўрамиз. Санкт-Петербург газеталарида ўзбек муҳожирлари учун "оромли роҳатбаҳш дам" таклиф қилинган эълонларни учратиш мумкин. Қизиғи шундаки¸ пушти ранг юрак тасвири илова қилинган бу эълонлардаги "оромли роҳатбаҳш дам" калимаси ўзбекча ëзилган. Россиядаги Ғайрат исмли муҳожирнинг Озодликка айтишича¸ бундай ўзбекча эълонларни автобус бекатларида ҳам учратиш мумкин. Ғайратнинг айтишича, бу эълонларда ўзбек қизларининг танаси тарғиб қилинади. Ўзбек аëлларининг чет элда фоҳишалик билан шуғулланаëтгани ҳеч кимни ҳайратга солмаслиги мумкин. Лекин ўзбек эркагининг фоҳишалик билан пул топаëтгани янгилик. Бу ўзбекистонлик эркак фоҳишага бир ойда 15 нафар ўзбек аëли мижоз бўлганини ҳисобга олсак¸ ҳикоямизнинг аҳамияти яна ортади.