USB Jig хийх арга HD

USB Jig гэх энэхүү бяцхан USB төхөөрөмж нь Samsung-ын Андроид утаснуудын тусгай горим болох Download Mode-оор асаахад зориулагдсан эд юм. Тодорхой хэлэхэд энэ нь таны утас яагаад ч асахгүй буюу Дуу хасах, Голын товч, Асаах товч гэсэн 3 товчоо хамт дараад ч асахгүй зүгээр л дэлгэц тань бүдэг бадаг асаад тэгээд ямар нэг өөр нөлөөгүй нөхцөлд энэ USB төхөөрөмжийг холбоход шууд Download Mode-оор асдаг юм. Манай сайт дээрээс тайлбартай нь харах бол http://www.version.mn/news/23-usb-jig-hiyh-arga.html Гараа угааж амжилгүй хийсэн бичлэг тул хуруу, хумс эдр минь ёстой муухай харагдаж байгаа шүү уучлаарай... Товчхондоо бол USB кабелийн 2 хөл (утас)-ыг хооронд нь эсэргүүцэлтэйгээр холбоход хангалттай. Ерөнхий ойлголт буюу кабелийн аль утсыг ямар учраас яагаад хооронд нь эсэргүүцэлтэйгээр холбож байгаа вэ? гэдэг асуултанд хариулья: Кабелийн 4 ба 5-р хөлийн хооронд 300к Омын эсэргүүцэл холбоно. 4-р хөл бол ID, Sense гэж нэрлэгдсэн байдаг ба уг утас (хөл) эх төхөөрөмжийн өөрийн гэсэн ялгагдах гол нэр (ID)-ыг илэрхийлнэ. 5-р хөл бол GND (Ground) буюу газар юм. 5-р хөл дээр 1.5v хүчдэл унаж байх ёстой, 1.5mA гүйдэл гүйнэ. Тэрнийг нь 4-р хөлтэй холбохдоо 300k Омын эсэргүүцэлтэйгээр холбовол USB Jig болно. Ихэнх жирийн цэнэглэгч нар 4-р хөл ба 5-р хөлийг хооронд нь 200k омын эсэргүүцэлтэйгээр холбосон байдаг. Та V=I*R томьёог санасан байх. Уг томьёогоор бодоод үзэхэд USB Jig-д гүйдэл багассан байдаг байх нь ээ. Гүйдэл бага байвал Download Mode-оор асчихдаг гэсэн дүгнэлт эндээс урган гарч байна. За та одоо USB Jig хийхэд шаардагдах материалуудын жагсаалтыг болон зурагтай нь харна уу? Шаардагдах материалууд - 300k Омын эсэргүүцэл - Micro USB кабел - Кабелаа тасдах тасдагч (хайч байж болно) - Гагнуурын алх - Гагнуурт хэрэглэх тугалга - Хямсаар (чимхүүр) Дээрх электроникийн материалуудыг хаанаас олж авах вэ? гэж гайхаж байгаа бол та Computer Land-ын 3 давхрын 12 тоотоос юмуу Кибер зах дотор 1-р давхрын зүүн урд хэсэгт байгаа лангуунуудаас авч болно. USB кабел бол Computer Land-ын 2 давхрын баруун урд хэсэгт маш хямдхан буюу тэр дээр зурганд харагдаж байгаа шиг 2000₮ гэж байгаа. Зөвөлгөө Гагнахад хүндрэлтэй байна уу? - Гагнах гэж буй тухайн утас (хөл) болон эсэргүүцлийн нэг хөлөө хооронд нь нийлүүлэн бариад гагнуурын алхны үзүүрийг үл ялиг тулгуулаад дунд нь тугалгаа ойртуулан барьж яг гагнах эх биет болон алх 2-той ижилхэн наалдуул. 0.5-аас 1 секундын дотор тугалга хайлан доошоо буюу гагнах эх бие рүү урсан хатуурах бөгөөд тэр үед нь тугалга болон алхаа дахиад ашиглан нэмж тугалга хайлуулаан дээгүүр нь шав. Ингээд хангалттай тугалга орж гагнагдсан бол алхаа бушуухан холдуул. (Маш халуун тул түлэгдэх, юм шатаах аюултай !!!)