Нойтон хөрөнгө - Яаж гаргаж авах вэ HD

Нойтон хөрөнгө - Яаж гаргаж авах вэ Хөрөнгө гаргаж авахдаа хлорин багатай ус хэрэглээрэй. Хэрвээ танай крантны ус дэндүү их хлоринтой байвал шүүгээд хэрэглэж болно эс бөгөөс савалсан ус болно. Сайн чанарын цайруулагч хийгээгүй цагаан гурил тохиромжтой. Бүхэл үрийн гурилын хувьд сайн чанарын улаан буудайн гурил сайн. Хөрөнгө хийх жороо дэлгэцнээс харж тэмдэглээд дагаад хийгээрэй. Нойтон Хөрөнгөтэй Боллоо: Одоо Яах Вэ? Нойтон Хөрөнгө гаргаж авсны дараа талх хийхээсээ өмнө хөргөгчид хийнэ. Гаргаж авсан нойтон хөрөнгөнөөсөө эх хөрөнгө болгоод өөртөө байнга 1 аяга орчим буюу 200-250 гр байхаар авч үлдээрэй. Тэрийггээ арвижуулаад талх хийгээд цаана үлдсэн нь 1 аяга орчим байх жишээтэй ингэж явнаа цаашдаа. Хөрөнгөө доорх гурван аргын аль тохиромжтойгоор нь та зохицуулаарай. 1. Хэрвээ та долоо хоногоос илүү хугацаанд талх хийж амжихгүй гэвэл хөрөнгөө ядаж долоо хоногтоо нэг удаадаа тэжээх хэрэгтэй. Үүний тулд эх хөрөнгөө хөргөгчөөс гаргаад 1-2 цаг өрөөний температурт (25 С) бүлээсгээд тэгээд сайтар хутгаад талыг нь асгана. Дээр нь талыг нь нөхөх хэмжээтэй ус гурил хийж хутгана. Бүхэл үрийн гурил болон цагаан гурил хольж хийвэл сайн. Өрөөний температурт (25 С) 8-12 цаг хөөлгөөд хөргөгчид хийж хадгална. 2. Хэрвээ та маргааш нь талх хийхээр төлөвлөж байгаа бол дараах 2 аргын аль тохиромжтойг нь сонгоорой. А. Эх хөрөнгөө талх хийх өдрийн өглөө нь хөргөгчөөс гаргаад 1-2 цаг өрөөний температурт (25С) байлгана. Дээр нь ус гурилаа хийж хутгаад хөрөнгөө арвижуулна. Үүнийгээ өрөөний температурт (25 С) 8-12 цаг хөөлгөөд хөргөгчид хийж хононо. Талх хийх өдрийн өглөө арвижуулсан хөрөнгөө хөргөгчөөс гаргаад өрөөний температурт (25 С) 1-2 цаг болгоно. Хөрөнгөө бүлээсэхээр хутгаад талх хийх хэмжээний хөрөнгөө тасалж аваад үлдсэнийг нь хөргөгчид хийж хадгална. Б. Өөр нэг арга нь талх хийх өдрийн урд орой нь эх хөрөнгөө хөргөгчөөс гаргаад 1-2 цаг өрөөний температурт (25С) байлгана. Дээр нь ус гурилаа хийж хутгаад хөрөнгөө арвижуулна. Үүнийгээ өрөөний температурт (25 С) шөнөжин хонуулна, ойролцоогоор 8-12 цаг байлгана. Ингээд өглөө нь талх хийх хэмжээний хөрөнгөө тасалж аваад үлдсэн эх хөрөнгөө хөргөгчид хийж хадгална. Зөвлөгөө: 1. Хэрвээ та бүх хөрөнгөө нэг дор л хэрэглэчихгүй бол хэзээ ч хөрөнгөөр тасрахгүй эх хөрөнгөө арвижуулаад л тасалж аваад л талхаа хийгээд байна гэсэн үг. 2. Хэрвээ эх хөрөнгө чинь хөргөгчид дэндүү удаан байснаас болоод ус шиг шингэн дээр нь тунасан байвал тэрийг нь битгий хөрөнгөтэйгөө нийлүүлж хутгаарай. Энэ шингэн нь цуу юмуу спирт шиг хэт исгэлэн хуралдсан байдаг учраас хөрөнгөнд чинь муу. Иймээс хэмжиж авч хаяад оронд нь цэвэр усаар орлуулаад сайтар хутгаад арвижуулаарай. 3. Хэрвээ өрөөний температур хүйтэн байвал нэлээн бүлээн ус хийж дулааныг нь тэнцүүлж болно. Учиргүй халуун ус хийвэл хөрөнгөө үхүүлнэ. Хамгийн тохиромжтой нь 21-25 С ус байвал сайн. 4. Хэрвээ та удаан хугацаагаар хол Явах болбол эх хөрөнгөө 6 сар хүртэл хугацаанд хөлдөөж болно. Буцаж сэргээхдээ гэсгээсний дараа дор хаяж 3 удаа, өөрөөр хэлбэл 3 өдөр дараалаад а