【直擊MAMA 2015頒獎禮】PSY 發哥鬥跳騎馬舞 BIGBANG連奪「年度歌曲」、「年度歌手」

終於嚟到2015年MAMA頒獎禮最後幾個大獎，雖然BIGBANG啱啱痛失最佳男子團體，但係佢哋就以〈BANG BANG BANG〉奪得年度歌曲大獎，G-Dragon上台時仲一度用手掩面，顯得相當高興；大哥T.O.P發表感言時亦難掩感動，更喺全場觀眾面前感謝父母嘅支持。BIGBANG今年嘅收獲都算好豐富，唔知各位又滿唔滿意賽果呢？ 嗱，所謂好事成雙，BIGBANG就係最佳示範喇！因為五子再下一城，喺發哥周潤發手上得到今晚MAMA頒獎禮大獎「年度歌手」，GD即時合十感恩，T.O.P亦不斷對住鏡頭大派心心！之後BIGBANG仲捉實發哥狂selfie，發哥勁受歡迎，仲同PSY跳騎馬舞。 2015《MAMA音樂頒獎禮》得獎名單 年度歌手：BIGBANG 年度歌曲：BIGBANG《BANG BANG BANG》 年度專輯：EXO 全球最受歡迎藝人：BIGBANG 最佳亞洲華語歌手：蔡依林 最佳男新人：iKON 最佳女新人：TWICE 最佳男歌手：朴震榮 最佳女歌手：泰妍 最佳男子組合：EXO 最佳女子組合：少女時代 最佳個人舞蹈表演：泫雅《Roll Deep》 最佳男子組合舞蹈表演：SHINee 最佳女子組合舞蹈表演：Red Velvet《Ice Cream Cake》 最佳歌唱表演男歌手：Zion.T《Eat》 最佳歌唱表演女歌手：Ailee《Mind Your Own Business》 最佳饒舌表演：San E《Me You》 最佳樂隊表演：CNBLUE 最佳合唱和子團：Zion.T & cRUSH《Zero For Conduct》 最佳音樂錄影帶：BIGBANG《Bae Bae》 最佳亞洲時尚獎：EXO 最佳製作人獎：朴震榮 全球粉絲最喜愛女藝人：f(x) 全球粉絲最喜愛男藝人：EXO 全球最佳表演：BTS 亞洲新世代明星：MONSTA X