Анвар Назир: Ўзбек ҳукуматига қўғирчоқ мухолифат керак HD

Ўзбекистон Адлия вазири Русланбек Давлетов шу йилниг 10 январь куни “Эрк” демократик партияси Бош котиби Отаназар Орипов етакчилигидаги 5 кишилик гуруҳни қабул қилди. Ундан аввал президент Мирзиёев мухолифатга қарши эмаслиги, бироқ уни четдан келтирилишига йўл қўймаслигини билдирган эди. “Элтуз” нашри мухбири суҳбатдоши Ўзбекистонлик сиёсий таҳлилчи Анвар Назир аслида ҳукуматнинг бу ҳаракати ташқи ёки ички мухолифатга йўл очилаётганини англатмаслигини айтади. Аввалроқ Олий мажлис сенати раиси ўринбосари Содиқ Сафоевнинг Вашингтондагий йиғилишда мухолифат демократияни мустаҳкамлаш ва экстремизмнинг ўсишига қарши курашда энг яхши восита саналишини айтган эди. Анвар Назирга кўра, бу фикр аслида тўғри, бироқ популистик мақсад йўлида янграмоқда. Лекин, Анвар Назир Мирзиёев даврида мухолифатга муносабат ўзгарганини ҳам эътироф этади.