"Богд хаан" кино

23.12.2011
Уран бүтээлчид ирэх арванхоёрдугаар сарын 29-ний өдөр тохиох Үндэсний эрх чөлөөний 100 жилийн ойд зориулж "Богд хаан" кино бүтээжээ. Монголын урлагт анх удаа Богд хааны түүхэн киног түүх сөхөж элдэв хачиргүй бүтээж байгаа нь энэ аж. Энэхүү кинонд хувьсгалыг манлайлан удирдаж зохион байгуулан эрх чөлөөт Монгол Улсыг байгуулалцахад үнэтэй хувь нэмэр оруулсан түүний үнэн бодит амьдрал, туулсан замыг хүүрнэн өгүүлдэг байна. Киноны бэлтгэл ажлыг Үндэсний кино урлагийн академи хоёр жилийн өмнөөс санаачлан зохион байгуулж, 60 хүний бүрэлдэхүүнтэй киноны зураг авалтын баг гарчээ. Богд хаан киноны зураг авалтыг Булган аймаг, Амарбаясгалант хийд зэрэг Монголын үзэсгэлэн хосолсон газруудад хийжээ. Ерөнхий найруулагчаар Б.Цогтбаяр Киноны зохиолыг төрийн шагналт зохиолч Дармын Батбаяр бичиж, ерөнхий найруулагчаар нь Бямбаагийн Батбаяр, ерөнхий зураглаачаар Зундуй, Ганхуяг, ерөнхий зураачаар Одонгийн Нямдаваа, Продюссераар Д.Энхжин нар ажиллажээ. Жүжигчдийн хувьд тайз дэлгэцнээ танил болсон нэртэй жүжигчдээс гадна шинэ залуу уран бүтээлчид оролцож буй юм байна. "Шинэ бүтээл бүхэн шинэ мэдрэмж төрүүлж, шинэ залуу үеийг гаргаж өгөх хэрэгтэй" гэдгийг ч найруулагч "Богд хаан" кинондоо тусгахыг хичээжээ. Хөгжмийн зохиолчоор нь Төрийн хошой шагналт, Ардын жүжигчин, хөгжмийн зохиолч Н.Жанцанноров ажиллаж байгаа аж. "Богд хаан" кинондоо "Шинэ бүтээл бүхэн шинэ мэдрэмж төрүүлж, шинэ залуу үеийг гаргаж өгөх хэрэгтэй" гэсэн утга санааг найруулагч гаргаж өгөхийг хичээжээ. Тус кино нь арванхоёрдугаар сарын 29-ны өдөр тохиох үндэсний эрх чөлөөний 100 жилийн ойгоор дэлгэцнээ амилах юм байна.

Похожие видео