►LIVE► Upa V Paukhansiam Sunna Hunzatna - March 22, 2021 HD

Upa Paukhansiam Valte @ V. Siampu Tanchin Tomkim Amah mi tha-hat leh kimawl mi ahi a, a omna munmun, Gelzang leh Kangkap khawng ah kimawlna tuamtuam ah lamkai in pang den hi. Thilsui detdet leh chiim tak a thil ngaihtuah mi ahi a, music bang lunglut mahmah hi. Kangkap a om lai in KTP/BYF makai khawng in pang den a, lapu lian khat ahi den hi. Koimah apan sinna nei kei mahleh music lam a lunglut mahmah ziak in Kangkap a tuailai pawlte tokthou zou mahmah hi. Amau hun lai in Kangkap khoneu chik himahleh tuailaite band (group) thum bang om zou hi. Music instrument company bawl hilou ama’ ngaihtuahna apan a pawt in kel vun leh bawngvun khawng zang in drum set khawng bawlkhia a, double bass chi in singkhawng sui in guitar lianpi bang bawlkhia uhi. EBC Tuailai khawmpi lian Tuailai 87 kichi hong om a, hiai hun ah ama’ makaihna in Kangkap KTP in Tuailai 87 ah hong lar khia uh hi. Hichi bang a tumging lam a lunglutna thupi tak a neih ban ah hiai tungtawn mah a ama’ khosakna ding kong hong kihong in Kangkap apan in Lamka ah a zi leh tate toh pem uhi. Lamka a dawr bawl in hong khosa uhi. A pianpih sanggamte: 1. Manzaching w/o Upa H. Ginkhanthang 2. (Phamsa) Vungsuanpau @ V Suanpau h/o Lianbiakkim 4. Donngaihkim w/o Upa H. Thangminlal 5. Rebec Ngaithianching w/o H. Thangbiaklian 6. Thangginlun h/o Mansuanching 7. Ngaizamawi w/o Khaibiaklian. Koppih Kangkap a khosa a hong om in Lalzapau Thomte tanu Nianngaihdon @Donnu toh 1980 in hong kiteng uhi. Tapa thum Gerson Jamkhenmung, Pauzasang (h/o Jennifer Gracey), Kaisonmuan (h/o Vungrokim) leh tanu Chinglunmuang nei uhi. Tualou in, tupa Siamzonlian (s/o Gerson) nei hi. Damlouhna ziak in Donnu in 2006 in sihsan a, sungkuante lemgelna in Donnu naunu Lian-ngai toh 2007 in kiteng ua, amau tanu Chingngaihnem nei uhi. Lalam Amah hih lasak kia hilou in laphuah banah solfa leh tumging nehsawh mahmah ahi hi. Aman sumbuuk ngak kawm in gam-le-nam banah chi-le-sate itna ziakin lasak leh solfa hilh hi. Aman “Agape Music leh ABBA te tungtawn a la lama inspiration ana mu” kahi chi hi. Gam-le-nam it mahmah mi ahih manin leitung pumpi a Zomite pumkhatna ding deihna in la tampi mahmah ana phuak a, i gamsung, imi-isa laka kituahlouhnate a puaknat mahmah ziak in “Selung Tuaklou” chih la leh adangdang tampi mahmah ana phuakkhia hi. A laphuahte laka a deihbiik “Hong Len Gige’n” chih la bang i biakna labu tanpha ah ana tuang hial hi. Hiai la in mi tampite khalam ah hihhat in tampite adia khanlohna suak hial hi a theih ahi. Ama lasak jak himhim thathoh huai mahmah hi. Pu V Siampu a laphuah tengteng ama’ gelhkhiakna abu ah 374 pha in, tualou a copy tuamtuam a koihte toh sim a 400 vel pha ding a gingtak ahi. A laphuahte a tamzawtham amah mah in sa hi. Amah mimal mahmah in recording/album nga (5) bawlkhe ta a, midang toh pangkhawm in guk (6) bawlkhe lai hi. Maban ah music leh la lama i nam khantouh sem na dingin midangte pahpih a tawsawn touh zel ding a tup-le-ngim hi gige lai hi. Gam le nam adia a laphuah leh sakte tungtawnin i nam hon