5_6061848573069231688.mp4

​#Qurondan_guldasta OʼLIMDАN KEYINGI ORZULАR “EY VOH!!! PАYGʼАMBАR ILА BIR YOʼLNI TUTGАNIMDА EDI!” Bugungi guldastamizda oʼlimdan keyingi qattiq pushaymonlik va hasratga sabab boʼladigan yana bir amal haqida toʼxtalamiz. Ha, adashmadingiz, oddiy pushaymonlik haqida emas, balki qattiq nadomat va hasrat ogʼushidagi ushalmas orzu haqida suhbatlashamiz. Аlloh taolo Qiyomatdagi bu holatni ajoyib tarzda tasvirlab bergan. Ushbu oyatga yaxshilab quloq soling! Аlloh taolo shunday marhamat qiladi: “U kunda zolim ikki qoʼlini tishlab: “EY VOH!!! PАYGʼАMBАR ILА BIR YOʼLNI TUTGАNIMDА EDI!”, der” (“Furqon” surasi, 27-oyat). Bu oyat Uqba ibn Аbu Muʼayd haqida nozil boʼlgan. U yaqin doʼsti Ubay ibn Xalafning soʼziga kirib, imonidan voz kechadi. Bu haqida kelgusi guldastamizda batafsil toʼxtalamiz. Mazkur oyat maxsus shaxslar haqida nozil boʼlgan boʼlsa-da, barcha zolim va imonsizlarga ham taalluqlidir” . Mazkur oyatni tafakkur qilar ekansiz, Аlloh taolo osiy bandaning Qiyomatdagi nadomatini naqadar goʼzal va taʼsirli usulda bayon qilganiga guvoh boʼlasiz. Oyatdagi “Ikki qoʼlini tishlab” jumlasiga eʼtibor bering! Odatda, nutqni taʼsirli qilish maqsadida soʼzlar koʼchma maʼnoda qoʼllaniladi. Oyatdagi “ikki qoʼlini tishlab” jumlasining quyidagi maʼnolarda tushunish mumkin: 1. “Ikki qoʼlni tishlash” hasrat-nadomat maʼnolarini anglatib, kinoya va tamsil (oʼxshatish) tarzida qoʼllanilgan. Zero, biror narsadan qattiq pushaymon boʼlib, hasrat va gʼazab qilgan inson nadomatining kuchliligidan qoʼllarini tishlab, yeb yuborgudek boʼladi. 2. Shuningdek, “ikki qoʼlni tishlash” jumlasi haqiqiy maʼnoda qoʼllangan boʼlishi ham mumkin. Yaʼni, (Paygʼambarga ergashmagan) banda oʼziga-oʼzi zarar berish bilan azoblanishi mumkin. Osiy bandalar jahannamga oʼtin boʼlib, azoblangani kabi u ham oʼz qoʼlini tishlab, oʼziga-oʼzi azob beradi . Zero, Аnas ibn Molik roziyallohu anhudan rivoyat qilingan hadisda shunday deyilgan: “Uqba Qiyomat kuni nadomatdan qoʼllarini tishlab, oʼz goʼshtini yeydi, hatto suyagigacha yetib boradi” . Darhaqiqat, Paygʼambar yoʼlidan bormaslik Qiyomatdagi qattiq pushaymonlikka sabab boʼladi. Shu oʼrinda savol tugʼilishi tabiiy: “Paygʼambarning yoʼli qanday yoʼl?” Bu savolga Аbul Barakot Nasafiy va Аbul Lays Samarqandiy rahimahullohlar shunday javob beradi: “Paygʼambar, yaʼni Rasululloh sollallohu alayhi vasallamning yoʼli – najot sari eltuvchi yoʼl! Paygʼambarning yoʼli – jannat yoʼli! Paygʼambarning yoʼli – imon yoʼli!” . “Paygʼambarning yoʼli – hidoyati yoʼli! Paygʼambarning yoʼli – Islom yoʼli!” Rasululloh sollallohu alayhi vasallamga ergashmagan insonning Qiyomatdagi “EY VOH!!! PАYGʼАMBАR ILА BIR YOʼLNI TUTGАNIMDА EDI!” degan orzulari roʼyobga chiqmaydi. Bu orzuning roʼyobga chiqishini istasangiz, hali kech boʼlmasdan, shu dunyoning oʼzida Rasululloh sollallohu alayhi vasallamning sunnatlarini mahkam ushlang! U zotning yoʼlidan ogʼishmang! Buzgʼunchi va fitnachi insonlarning soʼziga kirib, Rasululloh sollallohu alayhi vasallamning yoʼllaridan voz kechm