Омбосортонь синдромдонть
Шумбрат уледе ялгат! Шумбрат уледе эрзят! Мартонк одов Боляень Сыресь! Кортатанок течи се синдромдонть, конань мон лемдявлия омбосорттонть синдром, эли младшейбраттонть «миньмордваттонть синдром-» Эрзя Раськесь ламодо ламо пингеть эри эсь эрзянь масторсонть. Теде ёвтнить миненек лемтне, леень, эрькень вирень, ошонь… Марятано Рязань – чарькудтяно Эрзянь, марятано Арзамас – чарькодеви Эрзя Мастор. Ансяк неть оштнэнь эрицятне, ней, нама а содытькак косот сынст ундоксост, косто саевсть сынст буелемтне. Косто саевсть сынсь. Ловить эсь пряст рузокс. Нама, Ламо пингеть снартнить минек Раськнеть изнямонзо. Хант, царьть, князть, коммунистт, демократт… ды, течиньтнеяк, натой , а содангак кода лемдямс. Минек раськенть снартнесть теемс «ялакскекс», келят сынь «старшие» а минь «младшие»! Ёвтнесть, кода кандсть миненек «высокую культуру»! Ялгат! Те истя? А кеман! Саемс минек эрзяавань оршамопелензэ ды рузонцесьть. Конась седе «культурной»? Лиятне кортыть «да вы, (те минденек), червячков в лесу собирали, а мы вас научили хлеб выращивать »! Теяк манчема! Минек раськенть весе процесстнэ, весе инструментнэ тиринь эрзянь кельсэ! Кунсолодо! Видьме, сокамс, изамс, видемс, нуемс, пивсэмс, яжамс, товт –почт, оргат, ичемс, панемс, КШИ!!! Теке моро! Содасть те моронть эрзятне Тюштянь шкатнестэ. Ансяк кирдивиесь лепштясь, ичесь, оршась «мордвань мазычис» Пештясть потмоёжозонок Омбосортонь ды «миньмордватонь -младшейбратонь» ёжомеленть. Пештимизь. Паро а пезэнзэ ды а весень! Тестэ «да ничего от нас не зависит, да кто мы такие… ВЫай вай вай… Мезе эно теемс, кевкссамизь? Ёртомс ве ёнов те синдромонть. Раськесь -кода ломань. А кармат эсеть вечкеме –кияк а карми. А кармат арневтеме покшкавтнеме эсь прянть –кияк а карми! Эрзянь Раськесь –Ине Раське. Мазый ды превей! Эрзя Раськенть эрямокоензэ, культуразо, кезэрень шкатнестэ истят, кодат Европав састь ансяк кевейксэце - комсеце пингетнестэ. Эрзятнень, течинь валсо меремс, европань неевкэст ды менталитетэст. Эрзятне а вечксызь колхозонть. Сынь вечксызь эсь улипаронть. Эрзятне а вечксызь прявтнэнь, царьтнень, бояртнэнь, начальниктнень. Эрзясь сонсь эстензэ азор! Эрзянь Инязорось кочкавкшнось Раське Озкссо, эрзянь раськесэнть. Истямо демократиянть лиятне онсосткак эзть некшне ды а некшнить нейгак! Эрзятне вечкить олячи. Сынь анокт кисэзэнзэ стямс ды тюремс. Эрзятне сехтей партнэде мастортнэва ушмант. Теде свал содась ды пельсь кирдивиесь. Эрзятне -вейкесь сехтей важодиця раськетнеде мода масторсонть. Эрзятне путыть покш питне Вечкемантень ды Видечинтень Минь течияк европаньинераське. Кода суомитне, угратне, эстнэ… Миненек эряви сынст кондякс каштанчисэ ваномс эсь раськенть лангс, покшкавтнемс созэ, арнемс! Покшкавтнемс ялгатнень ды авечкемс яттнэнь. Вечкемс эсь раськенть, кемемс эсь раськентень, лездамс эсь раськентень. Эрзятне Ине Раське -инераське ютксо. Вейкеть вейкетьнень ютксо, вейкетьнень вакссо. Кодаткак а «мордват» ды а «младшийбратт»! Ансяк истя!!! Эрязо Эрзянь раськесь. Улезэ Эрзянь Масторось!
