Монгол хийморийн сан - Харын шашин

Эцэг тэнгэр байгаль эхийн дөрвөн зүг, найман зовхист Гучин гурван тэнгэр хийгээд Хурмаст тэнгэрт Эрлэг хаан, Лусын хаан хийгээд төрсөн газрын савдагт Халх төрийн Соёмбот сүлд, сахиусан тэнгэр Гарид танаа Амьтай амьгүй шүтээн хийгээд өвөг дээдсийн онгон сахиусуудад Хамаг Монголын гурван эрдэнийг итгэж сүслэн даатгая. Энэхүү хийморийг дарцагийг хийсгэснээр Нар, сар, гал гурван эрдэнэ явах замыг минь гэрэлтүүл Онгод, ном, багш гурван эрдэнэ итгэлийг минь батжуул Хань ижил, үр хүүхэд, гал голомт гурван эрдэнэ сэтгэлийг минь баясга Нэр төр, авъяас билиг, ажил мэргэжил гурван эрдэнэ ноёлох өндөрлөгт намайг хүргэ. Шонхор шиг нисэх, морь шиг зүтгэх, нохой шиг хайчлах, хүн шиг амьдрах (Эр хүн) миний сүлд хийморийг дээш босго Жигүүртэн шувууд жигүүрэндээ хүчтэй, Араатан амьтан араандаа хүчтэй, Адгуус амьтан шөрмөстэй, Монгол хүн оюундаа хүчтэй байх болтугай. Энх амгалангийн цагт цэнгэлийн манлайд хүрэх Хүссэн юм бүхэн хийгээд есөн хүсэл санасанаар бүтэх Миний явдал суудал, ярих тэргүүнтэн өөрт өрөөлд халгүй байж Миний амь нас, сүнс сүлд, хувь заяа сэтгэлийн буян мэт арвижин уртсаж Ясны хаан, махны хатан минь хурц оршиг. Үл зохилдох элдэв дайсан, далдаар хорлогчидын хараасан хараал нь хар толгой дээр нь буцаг. Хатгалдах дайсан ирэх аваас ялах үйлийг зохиож миний Монгол мөнх оршиг. -БАЙГ гэсэн үгийг хаслаа, "байг" гэж "зогс" гэсэн утгатай байдаг тул сөрөг нөлөөтэй байж болох юм. -эвтэй, хүчтэй, шудрага ёс нтр нь 9-н хүслийн нэг Эрдэм билигийн нэг хэсэг. -хаалтанд байгаа (Эр хүн) гэсэн хэсэгт нэрээ бичиж болно. Үгийн сонголт, бурхан, ад зэтгэр, луу, арслан, аянганы эзэн гэх мэт дурьдаагүй дутуу үлдээсэн гомдоосон этгээд байвал хэлэлцэж болно. Дөрвөн хүчтэн хийморийн тухай : https://youtu.be/LX-rK2jSCOo