Сизларга хабарлар етиб келмаганмиди?

“Бу (Қуръон) одамлар учун, уларнинг у ила огоҳлантирилишлари, У ягона илоҳ эканини билишлари ва ақл эгалари эслашлари учун баёнотдир (Иброҳим сураси, 52). Эй одамлар, узоқ ва бой, хурсандчилик ва ўйин-кулгига тўла умрдан сўнг, сизларга узоқ давом этадиган азоб келишини биласизми? Эй одамлар, келажакда нима бўлишини, яъни эртага нима бўлишини билмаслигимиз, ўзимизча эртанги кун ҳақида ўйлаб юрганимиз эса гумон ва тахминлардан иборат эканига қўшиласизми? Ҳар бир яратилган нарсанинг Яратувчиси борлигига ишонасизми? Яратувчи ўзининг яратган нарсалари ҳақида тўлиқ билимга эга экани, яъни яратган нарсаси учун нима яхши, нима ёмон эканини билишига ишонасизми? Аллоҳ таоло бизни яратганига ва бизни ўз ҳолимизга ташлаб қўймаганига иймон келтирасизларми? Аллоҳ таоло бизларга ўзининг пайғамбарларини юбориб, амрлари баён қилинган китобларини нозил қилганига ишонасизларми? Ақли борлар ақлларини юритиб кўрсинларчи, чунки Аллоҳ таоло бизга нисбатан ҳеч ҳам адолатсизлик қилмади, биз ўзимизга ўзимиз зулм қиляпмиз. Аллоҳ таоло эса зулматдан нурга чақиряпти. Биз залолатга интилиб, турли хил баҳоналар билан Яратувчимизнинг ҳақ йўлидан тойишга ҳаракат қилаётганлар ҳам ўзимиздир. Аллоҳ таоло бизга бу дунё ва у дунёда бахту-саодатга етишимиз учун Ўзининг ҳақ йўлни кўрсатди. “Сен: «Эй одамлар, сизга Роббингиздан ҳақ келди. Бас, ким ҳидоятга юрса, ўзи учун ҳидоят топадир. Ким залолатга кетса, ўз зарарига залолат топадир. Мен сизларнинг устингиздан қўриқчи эмасман», деб айт (Юнус сураси, 108) тўлиқ матни: http://islamonline.uz/index.php/islom/tazkiyah/item/778-sizlarga-xabarlar-etib-kelmaganmidi