Toshkentda “buxanka” non narxi qimmatladi. Bunga qanday munosabatdasiz? HD

Monopoliyaga qarshi kurashish qoʻmitasi tomonidan qolipli non narxi boʻyicha tezkor oʻtkazilgan oʻrganishlarga koʻra, Toshkent shahrida eng yuqori — 2800 soʻm, Qashqadaryoda viloyatida eng past — 1650 soʻm, respublika boʻyicha oʻrtacha narx esa 2250 soʻm ekani aniqlandi. Bu boʻyicha qoʻmita axborot xizmati “Bugun.uz”ga maʼlumot berdi. Taʼkidlanishicha, un mahsuloti 2022-yil iyun oyidan boshlab birja savdolariga yetarli miqdorda qoʻyilmoqda va bu jarayon ustidan doimiy nazorat oʻrnatilgan. Respublikada un mahsuloti zaxirasi shakllantirilgan boʻlib, narx navolarning keskin oshib ketmasligi uchun zarur miqdorda un savdolarga qoʻyib boriladi. Xususan, iyun oyida 170 ming tonna un birjaga qoʻyilishi, bunda har bir non ishlab chiqaruvchi uchun teng sharoit yaratish maqsadida kichik lotlarda (3 tonnadan) qoʻyilmoqda. 1-iyun holatida 50,5 ming tonnadan ortiq un mahsuloti qoldigʻi mavjud boʻlib, avgust oyi uchun ham un ishlab chiqarish uchun korxonalarda zarur don zaxiralari mavjud. Xoʻsh, poytaxtda non narxi keskin koʻtarilib ketganidan xabardormisiz? Bunga qanday munosabatdasiz? Bugun.uz shu kabi savollar bilan Toshkent shahrida kichik soʻrovnoma oʻtkazdi. Nashrimizni ijtimoiy tarmoqlar orqali kuzatib boring: Telegram: https://t.me/bugunrasmiy Facebook: https://fb.com/bugunuzrasmiy Instagram: https://instagram.com/bugun.rasmiy TikTok: https://tiktok.com/@bugun.rasmiy