Падарам,равонат шод бод

Станьте спонсором канала, и вы получите доступ к эксклюзивным бонусам. Подробнее: https://www.youtube.com/channel/UCGZV8wlx4jpdd4AtdJfResQ/join Падар Падар...чонам падар... Агар зинда мебуди, имруз ба синни 73 кадам мемонди.10 сол сипари гардид бо фигони нихонии дил..Мо фарзандони ту бо модарам доимо некиву ширингуфтории туро ба хотир оварда якдигарро тасалли медихем ки окибати хамаи мо ончост ва дидор дар киемат монд. Падаргумкардахо ба кадри ин хасрату дарди ман мерасанд. Шеъри нав аз устод Давлат Сафар ПАДАРАМ,ЭЙ ПАДАРАМ.... Пеши ту хоксалом омадаам, Доми ғам канда, зи дом омадаам, Паркушо сарсари бом омадаам, Бе падар бо чӣ мақом омадаам? Падарам,эй падарам, эй падарам. Бе дуои ту дигар бесипарам. Хонаву дар ба сарам мечархад, Хонаи чашми тарам мечархад, Кӯҳ гирди камарам мечархад, Осмон дар назарам мечархад. Падарам, эй падарам, эй падарам. Бе ту бечораи бечоратарам Модарам оби таҳорат дар даст, Саҳни долон-ш барояд бо шаст, Гӯяд, эй покдили покпараст; Дар баландӣ чӣ кунам бо сари паст !? Падарам, эй падарам, эй падарам, Канда шуд баъди ту банди камарам. Оби чашмам чӣ кунад оташи ғам? Ҳамчу кӯдак шудаам аз ғаши ғам. Дасту по бастаи зери каши ғам, Тир бикшод дигар Ораши ғам ! Падарам, эй падарам, эй падарам Чун кабобест ба оташ ҷигарам. Пушти дарвозаи бепушт, чӣ суд ? Ба сарам баъди падар, мушт чӣ суд? Муштро панҷаи ангушт, чӣ суд? Рафтаро гиряи ғамкушт, чӣ суд? Падарам, эй падарам, эй падарам, Тахтшин ҳастаму бе тоҷи сарам. Розиям дар бари гӯрат бошам Ё ниҳоли сари гӯрат бошам, Чун нишон мармари гӯрат бошам, Сабзазори тари гӯрат бошам. Падарам, эй падарам, эй падарам, Бе ту ҳеҷам, бо ту Давлат Сафарам. #паларчон#равонатшодбод#