Вазорати мудофиаи Тоҷикистон комиссари ҳарбии дастдарозро барканор кард

Дар натиҷагирии даъват ба артиш сухангӯи вазорати мудофиаи Тоҷикистон Фаридун Маҳмадалиев эътироф кард, ки комиссари ҳарбии ноҳияи Панҷакент ба хилофкорӣ роҳ дода, падари як даъватшавандаро лату кӯб кардааст. Ӯ афзуд, ин афсар аз мансаб барканор шуда, додситонӣ аъмоли ӯро тафтиш дорад. Дар айни замон Маҳмадалиев гуфт, даъват ба артиш вазифаи тамоми ниҳодҳои давлатӣ ва ӯҳдадории конститутсионии ҳар шаҳрванди Тоҷикистон аст.