難民歌(nan min ko) - Hakka song

客話山歌 hakka san ko 〈難民歌〉 Nam min ko 官德光藏手抄本 胡紅波校訂．譯注 1967.11.1「難民節」 印尼張元德老先生唱 厓今睡目眠淡江 Ngai kin soi muk min tham kong 厓今唱歌會荒張 Ngai kin chong ko boi fong cong 一來厓今年紀老 Jit loi ngai kin nyian ki lo 二來氣脈么柬長 Nyi loi himak mo an chong 老哩難來老哩難 Lo le nan loi lo le nan 老人唱歌氣挷挷 Lo nyin chong ko hi pang pang 厓介歌子唱唔盡 Nga kai ko a chong ng chin 厓今要求轉唐山 Ngai kin jaukhiu con thongsan 莫話歌唱係吵人 Mok ba ko chong he chau nyin 因為愁切唱開心 Jinbui seu chiat chong khoisim 手拿黃連吞落肚 Siu nak bonglian thun lok tu 知者正知苦在心 Ti sa cang ti khu choi sim 想起往日介情形 Siong hi bong nyit kai chin hin 食角食肉係隨心 Sut ng sit nyuk he sui sim 么想今日來受苦 Mo siong kin nyit loi siu khu 豬油點火唔分明 Cujiu tiam fo ng fun min 上山拉仔死高毛 Songsan laci si komo 柬多財產搶到么 An to choichan chiong teu mo 好在大家走得快 Ho chai thaika ceu tet khoi 唔時連命都會么 Ng si lian miang tu boi mo 講到難民處處難 Kong to nanmin chuchu nan 食鐘戈丕都么錢 Sit cung kopi tu mo chian 想向大家來借過 Siong hiong thaika loi cia ko 啞仔講話開口難 A a kong boi khou kheu nan 好在同胞更正常 Ho chai thungpau kin cinsong 看到難民就幫忙 Khon to nanmin chiu pongmong 招待樣樣都週到 Cau tai jongjong tu chiu to 也有送食送衣裳 Ja jiu sung sit sung jisong 過了一年再一年 Ko liau jit nyian cai jit nyian 許多難民來討錢 Hi to nanmin loi tho chian 難民死了么要緊 Nanmin si liau mo jau kin 總愛中國萬萬年 Cung oi cungket ban ban nyian 台灣米粮又食完 Thoiban mi liong jiu sit thet 難民生活好艱難 Nanmin senfat ho kian nan 百般工作么好做 Pak pan kungcok mo ho co 出於無奈又討錢 Chut ji bu nai jiu tho chian 台灣米粮食完哩 Thouban mi liong sit thet le 難民飢餓滿人知 Nanmin ki ngo man nyin ti 希望頭家來照顧 Hi mong theuka loi cauku 一滴甘露止一時 Jit tit kam lu ci jit si 講起難民厓傷心 Kong hi nam min ngai songsim 到來坤甸么六親 Teu loi khuntian mo liu chin 愽望同胞愛救濟 Pok mong thungpau oi kiu chi 救條人命值千金 Kiu thiau nyin miang chit chian kim 一日討來一日光 Jit nyit tho loi jit nyit kong 一日么討餓斷腸 Jit nyit mo tho ngo thon chong 兩日么討將餓死 Liong nyit mo tho ciong ngo si 三日么討見閻王 Sam nyit mo tho kian nyiam bong 唔知那日正翻身 Ng ti nai nyit cang fansin 長久柬樣好艱辛 Chong kiu an nyong ho kian sin 走來走去么門路 Ceu loi ceu hi mo mun lu 百般頭路做唔成 Pak pan theu lu co ng sin 荔枝打子樖打樖 Lici ta ci pho ta pho 手拿唔到劈一刀 Siu nak ng to phiak jit to 難民好比死老鼠 Nanmin ho pi si lo chu 現時任在貓公拖 Hian si nyin choi nyiau kung tho 拉仔實在係旡情 Laci sit chai he bu chin 成群結隊搶華人 Sin khiun kiet tui chiong fa nyin 家財搶黑么打緊 Ka choi chiong het mo ta kin 到轉還愛來湯人 To con han oi loi thong nyin 往日造屋唔應該 Bong nyit co buk ng jin koi 樣樣人力做過來 Jong jong nyin lit co ko loi 辛苦做來都么黑 Sinkhu co loi tu mo het 鈍刀破竹想唔開 Tun to pho cuk siong ng khoi 人人都話種柅園 Nyin nyin tu ba cung jin jan 一心種大好串錢 Jit sim cung thai ho chon chian 更多柅園都搶黑 Kin to jin jan tu chiong het 哩種仇恨大過天 Li cung siu hen thai ko thian 想起祖公過南洋 siong hi cukung ko namjong 七辛八苦來開荒 Chit sin pat khu loi khoi fong 愽望子孫好享福 Pok mong ci sun ho hiongfuk 唔知今日一掃光 Ng ti kin nyit jit so kong