Æрдзæн æххуыс

Æппæтуæрæсеон адæмон фронт цæттæ кæны экологон инспекторты. Фæсивæдæн аразынц сæрмагонд ахуыртæ. Афтæмæй фронты уæнгтæ парахат кæнынц проект «Æхсæнадон экологон фарстаты инспекторты скъола». Программæйы фæлгæты æрыгон специалисттæн бакастысты лекцитæ. Ныртæккæ та сæ зонындзинæдтæ æвдисынц практикæйы хуызы. Инспектортæ бабæрæг кодтой Майрамададжы доныбылгæрæттæ. Уым йæ фæллад уадзынмæ чи æрцæуы, уыдон дзы бырондон сарæзтой. Фидæны инспектортæ JPS навигатормæ гæсгæ сбæрæг кодтой хауæтдзæгты хуызтæ. Хъæугæ документтæ бацæттæ кодтой æмæ сæ арвыстой районы администрацимæ. Ахуыртæ куы ахицæн уой, уæд Уæрæсейы æрдз хъахъхъæныны управленийы фæлварæн ратдзысты. Йæ бараггæнæнтæм гæсгæ райсдзысты сæрмагонд æвдисæндартæ. Ныртæккæ фæлварæнмæ сæхи цæттæ кæнынц 7 адæймаджы. Эксперттæ куыд зæгъынц, афтæмæй инспекторты куыст уыдзæн хъæугæ æмæ ахадгæ. Нæ республикæйы экологон уавæртæ хъуамæ фæхуыздæр уой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv