Тамын амьтад тамдаа жаргалтай... HD

Тэр орилцгоож байгаа хүмүүсээс нэг нь ч машинаа орхиод автобусаар явах тухай бодох ч үгүй. “Ингэж түгжирч байхаар машинаа орхиод автобусаар яваач” гэж хэн нэг нь хэлэх юм бол бууж ирээд шууд зодно. Ийм л моральтай улсууд. 3 сая хүнтэй, ганцхан Нийслэл хоттой. Тэр ганцхан хотдоо 3/2 нь өдөр бүр амьдардаг, дээрээс нь хөдөө орон нутгаас өдөртөө хэдэн мянгаараа Нийслэлд машинтайгаа орж ирж ажил төрлөө амжуулахаар чихцэлдэнэ. Айл өрх бүр машинтайгаас гадна, тэр айл өрхийн гишүүн болгон нь бас нэг нэг машинтай. Дээрээс нь ААН болгон 10-20-30-40 машинтай. Гэтэл явдаг зам нь дээс шиг нарийхан, хоолой шиг бачуухан. Хөдөө орон нутгийн болон хэт хуучин, татвараа төлөөгүй автомашинуудыг хот руу оруулахгүй байх талаар санал боловсруулж “Бүсчлэлийн зааг” тогтоох гэтэл 60-70 хувь нь том том бүлт үсрээд эсэргүүцээд байсан. Тэгээд одоо зам дээрээ таг гацаад амар сайхандаа жаргав. Одоо машиндаа амьдарцгаа даа та нар минь. Өнөө маргаашдаа ч тэгсгээд болох биз. Хүйтрэхээр яана даа хөөрхий та нар минь. Дээрээс нь утаа чинь нэмэгдэнэ. Хүссэн юм чинь хүзүүгээр чинь ийнхүү ороож эхэллээ. Тамын амьтад тамдаа жаргалтай..