Жолаи ногаҳонӣ дар Душанбе

Дар шаҳри Душанбе рӯзи ҷумъа жола борид, ки хоси фасли тирамоҳ дар Тоҷикистон нест. Рӯзи 13-уми ноябр ҳаво дар пойтахти кишвар ба якборагӣ тағйир ёфт ва се дафъа жола зад ва дар баъзе аз ҷойҳо заминро сафед кард. Ноябри имсол дар Тоҷикистон ғайримуқараррӣ сарду сербориш омад, вале то кунун боридани жола мушоҳида нашуда буд. Таври маълум боронҳои шадид ва жола дар кишвар хоси баҳор аст.