Цэргийн баярын гэнэтийн бэлэг HD

Цэргийн ангийн жирийн нэгэн өглөө... Ангийн захирагчийн “Өндөр албан тушаалын, чухал зочид ирнэ” гэсэн тушаалаар жагссан цэргүүд хэн гэдэг дарга, ямар генерал ирж байгаа юм бол гэсэн бодлоор хүлээнэ... Бид Монгол цэргийн өдрийг тохиолдуулан Батлан хамгаалах яам, Зэвсэгт хүчний жанжин штабаас зөвшөөрөл авч Зэвсэгт хүчний...-р ангийн захирагч, анги, удирдлагуудтай ярилцан хугацаат цэргийн албанд татагдан ирснээс хойш ар гэрийнхэнтэйгээ уулзаж амжаагүй, алс хол гэр нь байдаг цэргүүдийн нэрсийг авч Ховд, Хөвсгөл, Баян-Өлгий аймгуудаас эцэг эхийг нь урин хугацаат цэргийн алба хаагчдадаа бяцхан сюрприз барьсан юм. Цэрэг эрс нэгэн зорилго дор нэгдэж, асар богино хугацаанд эр зориг, тэсвэр хатуужилд хэрхэн суралцсаныг ээж, аав нь хараад “Бидний хүү эх орны хүү болжээ” гэж бахархаж байсан билээ. Эх орноо, ээж, аав, хайртай дотны бүхнээ хамгаалан энхийн манаанд цаг үргэлж зогсож байдаг бүх Монгол эрчүүддээ #МонголЦэргийнӨдрийн мэнд хүргэе!