Сел дар ноҳияи Ашт HD

Гурӯҳи ситоди ҳолатҳои изтирории Суғд субҳи имрӯз, 29 июл ба хотири ёрӣ ба сокинони селзада ва бартараф намудани оқибатҳои сел ба ноҳияи Ашт ҳозир шудааст. Сокинони ҷамоати Понғози ноҳияи Ашт мегӯянд, омадани сел дар рӯзи равшан ва саривақт кӯчонидани сокинони маҳалҳои селгузар ба ҷойҳои бехатар аз талафоти ҷонӣ ҷилавгирӣ кард. Сели шадид соатҳо 4 - и баъд аз зуҳри 28 уми июл дар пайи боришоти шадид ба бархе ҷамоатҳои ноҳияи Ашт хисороти молӣ ворид кардааст. Сокинон мегӯянд, дар ҷамоти Понғози ноҳияи Ашт сел як манзилу чойхонаву мағоза, чандин пули болои рӯд, 10 - 15 километр роҳҳои нақлиётӣ ва хати барқро хароб карда, 3 - 4 хонаро қисман шустаст. Даҳҳо манзилҳои сокинон низ аз сел зарар дидааст. Дар деҳҳои Кӯли Хоҷа ва Мулломир кӯҳистони Ашт сел даҳҳогову гуспанди сокинонро, ки дар канори рӯди маҳал ва ҷойҳои селгузар мечариданд, бурдааст. Сокинони деҳаи Понғоз мегғянд, аз саҳари имрӯз мардум барои тоза кардани роҳҳо ба тариқи ҳшар ва ёрии техник ба ҷойҳои селзада баромадаанд.