Маро бо фарзандонам аз хона ронданд HD

Шунидани дарди мардум бисёр сангин аст, хусусан дарди зан модар.Имрӯз модаре бо сад дард бароям тамос гирифт ва шикоят аз он кард, ки ӯро ва чаҳор фарзандашро аз хонаи истиқоматияш, ки дар ноҳияи Восеъ кӯчаи Исмоили Сомони хонаи 5/6 қарор дорад берун карданд. Модар ҳангоми суҳбат бо сад алам қисса мекард ки ба кадом ниҳоде муроҷиат мекард ҷавоби рад мегирифт. Инак рӯзи сеюм ҳаст дар кӯча ҳамроҳи фарзандонам мехобам, мегӯяд ин зан. Камбизоат ва бекас буданамро истифода бурда маро аз хонаи худам берун карданд. Ин зан тӯли 6 сол мешавад аз шавҳараш ҷудо ва як писараш низ дар Русия дар муҳоҷират қарор дорад. Ҳангоми суҳбат бо фарзанди ин модар фаҳмидем, ки ӯ ҳам дар ин рӯзҳои душвори бемории коронавирус қариб, ки бекор будааст. Интизори маошаш ҳаст, ки то гираду пасон ба модараш равон кунад. Нигаронии фарзанди ин модар аз он ҳаст, ки то маошаш кариб 20 рӯзи дигар мондааст ва чигуна модари ӯ 20 рӯзи дигар дар кӯча хоб меравад? Касе ба додамон намерасад!, шикоят мекунад ин модар. Савол инҷост, ки вазифаи як раис, масъули он минтақа чист? Чунин ҳодисаҳо даҳо ва ҳатто садҳо бор такрор шуда истодаанд! Чаро то имрӯз сари роҳи чунин ҷиноятҳо гирифта намешаванд? Оё шаҳрвандони Тоҷикистон ҳақи зиндагӣ карданро надоранд? Оё ҳар нафаре, ки камбизоат бошад, болои ӯ ҳар ҷиноят раво дида мешавад? Масъулони кишвар каме ба худ биёед, вагарна рӯзе мерасад,ки ин мардум бо шумо ва навкарони шумо бо дигар забон ҳарф хоҳанд зад!