Ба фарзандат биомӯз. HD

Борони ҳикмат. Фирдавсии Нуралиён 28.01.2017 Истамбул. Ба фарзандат биомӯз. (қисми 5/11) ☀️ 21. Ба фарзандат тозагӣ биомӯз, таҳоратро, ғуслро, даст шустанро қабл аз таъом ва баъд аз он, тоза пӯшиданро. ☀️ 22. Ба фарзандат дуоҳо ва азкорро биомӯз, азкори бомдоду бегоҳ, азкори қабл аз таъом ва азкори баъд аз онро, дуои қабл аз хуфтан, дуои пас аз бедор шудан аз хоб, дуои аз хона баромадан, дуои ба хона даромадан ва ғайра... ☀️ 23. Ба фарзандат адлу додро биомӯз ва худ байни фарзандон якеро бар дигаре бартарӣ мадеҳ, зеро ин муомилаи ноодилона дар қолаби инсофшиносии фарзанд рахна мезанаду табоҳаш мекунад. ☀️ 24. Ба фарзандат мардонагиро биомӯз, дар қавл, дар ваъда дар амал, дар либос, дар шаклу ҳайъат. Барояш рӯшан кун, ки либоси занону духтарон аз либоси мардону писарон фарқ дорад, то мисли муханнасон либос напӯшад. Гавҳари покдоманӣ ва ҳаёро дар садафи ахлоқи духтарат тарбия кун ва ҳукми фарз будани ҳиҷобро барояш баён кун ва пӯшиданашро ба ӯ биомӯз ва водораш кун, то либоси тангу шаффоф ва фитнаангез напӯшад. ☀️ 25. Ба фарзандат ҳуввияти исломиро биомӯз ва ниҳодашро бо ганҷи имон, парҳезгорӣ ва одобу ахлоқи шоиста ороста кун, то ғайримусулмононро дар расму русум ва маросиму идҳо, дар фисқу фуҷур, тарзи ҳаёт, дунёхоҳӣ мояи тақлид қарор надиҳад. 〰〰〰〰〰〰〰〰 ✍ Фирдавсии Нуралиён, 28.01.2017, Истанбул.