Цыппар студенткæйы исдзысты Абайты Васойы æмæ Плиты Грисы номыл стипендитæ

Цæгатирыстойнаг уæлдæр ахуыргæнæндæтты цыппар студенткæйы исдзысты Абайты Васойы æмæ Плиты Грисы номыл стипендитæ. Ахæм уынаффæ рахастой хицауады æмбырды. Абайты Васойы æрвылмæйон преми у 8 мин сомы, Плиты Грисы номыл преми та 5 мин сомы, нысангонд æрцыд 2013-æм азы. Схорзæх æй кæнынц наукон журналты æппынкъаддæр дыууæ хатты йæ куыст кæмæн ныммыхуыр кодтой, уыдонæн. Абайты Васойы номыл стипенди та снысан кæнынц ахуыргæндтæ æмæ аспиранттæн, уыимæ ма студенттæй наукон куысты æнтыстыдзинæдтæ чи равдыста, уыдонæн. Цæгат Ирыстоны хицауады сæрдар Тускъаты Таймуразы ныхæстæм гæсгæ наукон мадзæлтты чи архайы, ирон æвзаг æмæ ирон фысджыты сфæлдыстад чи парахат кæны, уыдоны нымæц афæдзæй-афæдзмæ къаддæр кæны. Уымæ гæсгæ аразын хъæуы хъæугæ мадзæлттæ цæмæй уавæр хуыздæрырдæм аива. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv