Hashr surasi / Ҳашр сураси HD

Тиловати: Мишари Рашид Таржима: Шайх Муҳаммад Содиқ Муҳаммад Юсуф Йигирма тўрт оятдан иборат бу сура Мадинада нозил қилинган. Сура яҳудийлардан Бану Назийр номли қабиланинг хиёнаткорликлари сабабли ўз диёрларидан сургун қилинишларини ва Ислом тарихида «Бану Назийр ғазоти» номи билан қолган ғазот тафсилотини баён қилиш атрофида айланади. Шунинг учун ҳам бу сура «жамлаб сургун қилиш» деган маънони ифодаловчи «Ҳашр» номи билан аталгандир. Шунингдек, бу сурада яҳудийларнинг ҳамтовоқлари бўлган мунофиқларнинг кирдикорлари очиб ташланади ва улар гарчи кўринишларида бир-бирлари билан ўзаро иттифоқдек кўринсалар-да, дилларидаги ғараз-мақсадлари тамоман турли-туман еканлиги таъкидланади. Сура саҳобайи киромларнинг таъриф-тавсифлари ва Қуръони Каримнинг қадр-мартабаси ҳақидаги оятларни ҳам ўз ичига олгандир. Сура ниҳоясида Aллоҳ таолонинг гўзал исмлари ва илоҳий сифатлари зикр етилиб, мўминларни ёлғиз Aллоҳдангина қўрқишга буюрилади. Изоҳ: Aлоуддин Мансур _ Tilovati: Mishari Rashid Tarjima: Shayx Muhammad Sodiq Muhammad Yusuf Yigirma to‘rt oyatdan iborat bu sura Madinada nozil qilingan. Sura yahudiylardan Banu Naziyr nomli qabilaning xiyonatkorliklari sababli o‘z diyorlaridan surgun qilinishlarini va Islom tarixida «Banu Naziyr g‘azoti» nomi bilan qolgan g‘azot tafsilotini bayon qilish atrofida aylanadi. Shuning uchun ham bu sura «jamlab surgun qilish» degan ma’noni ifodalovchi «Hashr» nomi bilan atalgandir. Shuningdek, bu surada yahudiylarning hamtovoqlari bo‘lgan munofiqlarning kirdikorlari ochib tashlanadi va ular garchi ko‘rinishlarida bir-birlari bilan o‘zaro ittifoqdek ko‘rinsalar-da, dillaridagi g‘araz-maqsadlari tamoman turli-tuman ekanligi ta’kidlanadi. Sura sahobayi kiromlarning ta’rif-tavsiflari va Qur’oni Karimning qadr-martabasi haqidagi oyatlarni ham o‘z ichiga olgandir. Sura nihoyasida Alloh taoloning go‘zal ismlari va ilohiy sifatlari zikr etilib, mo‘minlarni yolg‘iz Allohdangina qo‘rqishga buyuriladi. Izoh: Alouddin Mansur