ХАЛИМАТ МАГОМЕДОВА & ПАТИМАТ АЛИЕВА - ЛИЦЕМЕРИЯ (Новый Нашид 2022)

ВИДЕО СЪЁМКИ - DAG PRODUCTION INSTAGRAM @DAG_PRODUCTION ТЕЛ (+7 989 451 59 55) АРАНЖИРОЩИК ВИЛЯТ БАХАРОВ АВТОР СЛОВ АЙШАТ САИДОВНА ЛИЦЕМЕРИЯ К1иго гьумер бугей гьудул ятаги, Гьабуге гьелъулгун халатаб сапар, Сабру рек1елъ гьеч1ей жасус ятани, Жаний рек1елъ йиччан к1одо гьаюге. Мац1алъ чи ч1ван лъолей хиянат ч1ужу, Чанги киллометралъ рик1к1алъизае, Рек1елъ бат1ияб ккун к1алъай гьабулей, Гьаб дуниялалда доег1ан къан те. Х1илла-рек1к1 г1емерал г1абдалзабигун, Г1адада г1одой ч1ун ч1ваге замана, Ч1арбилъе къокъине хиял гьеч1елгун, Хазиналъун кьураб саг1ат рехуге. Дунго-дунан гуреб, дур гьикъуларей, Гьудул дур рокъое къазе йиччаге, Къват1улал харбазда къоял т1амулей, Т1агьай йокьуларей йокьуге дуе. Дунялалъул боц1и ц1акъго хирияй, Хъант1арай гьудулгун гьабуге даран, Дагьал шагьабазухъ иях1 бичулей, Ях1 гьеч1ейгун сверун суризаюге. Къадирасул г1елму г1адахъ босич1ей, Г1абдалай гьудулгун данделъун ч1оге, Дунял гьабулаго ахират тарай, Ах1макъгун къиматал къоял т1амуге. Къиматал Ах1мадил варисазухъе, Сапар бухьуларел бахьикъосал те, Бакъвараб гъот1ода т1егь баккуларин, Божел гьеч1елги тун Бичасде юсса. Борхьил г1амал бугей, царал мах1 бугей, Хьолбохъ эхетизе хъван батугеги, Халкъул Хан разияб г1амал гьеч1ейгун, Гьаб дуниялалда данделъугеги.